咁快又到2013年既最後一日, 每一年我都會係FB寫回顧, 今年開始轉係blog寫!!
今年比起2012年更豐富同充實, 大致有以下大事件:
1. 關島+日本之旅 - 婚後首個旅行, 好姊妹關島結婚, 有機會去下關島, 同老公另外順便去埋東京, 好多人誤會呢個係honeymoon, 哈!
2. 第一年派利是 - 比想像中好, 本來唱左好多錢仲剩左好多, 可以留返下年用, 可能因為我最細, 逗既利是其實同以前差不多, 只係少左公司同事個d!
3. 北歐蜜月之旅 - 諗返起都好興奮, 可以去到一直想去既冰島blue lagoon浸溫泉, 可以去挪威睇七彩木屋仔同食海鮮, 仲有係芬蘭探聖誕老人, 鹿鹿, 破冰船, 冰海上浮, husky, snowmobile, 最重要係有幸睇到北極光, 真係覺得好好彩, 諗起都有d想流淚!
4. 賣樓 - 人生第一次賣樓, 好唔捨得個無敵大海景, 仲要係我地既第一間屋!
5. 租樓 - 短租左幾個月, 地點係娘家樓上, 可以同老公一齊住返呢度幾個月, 感覺好特別, 地點真係好方便呀!!
6. 買樓 - 我地既第二間屋, 終於有機會可以有間屋從頭到尾係自己諗點整, 乜都係自己揀!!
7. 紙婚之旅 - 冇諗過今年仲有機會旅行, 我地真係好鍾意台灣呢個地方, 唔知幾時再有機會黎呢?
其實今年真係大部份時間去左搞間屋, 搬屋都搬左兩次, 而家開始穩定落黎了, 間屋都執得七七八八, 今晚就有第一次既housewarming, 之後陸續有黎!!
做左人妻, 今年仲煮多左飯, 第一次煮飯俾阿媽同阿哥食, 佢地係咁讚, 好開心, blog後補!!
唔知一年後我會係度回顧d咩呢?
Tuesday, 31 December 2013
Thursday, 19 December 2013
台北紙婚之旅 Day 3 (10 Dec 2013)
眨下眼就第三日, 時間雖然少但係好開心!
同老公旅行, 雖然佢咩都唔會理, 但係佢會執行李同pack野, 我真係一d野都冇執過, 全部係佢pack佢搬埋! 琴晚就執晒d手信同幫人買既野出黎, 真係有好多呀, 辛苦晒老公!!
好快食完就走, 因為企係度食真係唔舒服, 見唔夠飽, 就係佢個超市買返去食, 好抵呀, 碟三文魚刺身係NT210, 海膽NT737, 兩個都係超大超多份量, 個海膽係可以塞滿個口, 呢兩碟野我地差D食唔晒添!!
返到西門町買埋老天祿, 我三個阿哥都話要食鴨舌, 所以買左兩盒俾佢地, 我地帶左個吉既大蝴蝶袋黎都唔夠裝手信, 今次真係辛苦老公!!
搭的士去機場, 真係舒服同快好多, 搭18:40機我地早左兩個鐘到, 係機場hea下, 搵到個位可以伸長對腳抖, 老公瞓著左, 我就掛住上網!
有朋友報料話台北機場免稅店買酒好平架, 同老公講完, 估唔到佢即刻彈起身話去睇, 本來係想買black label, 但呢度冇呀, 不過chivas就做特價NT440, 真係超抵, 買左兩支!! 我問老公係咪真係拎到, 佢話得架喇, 所以話男人.....都係一時一樣!
同老公旅行, 雖然佢咩都唔會理, 但係佢會執行李同pack野, 我真係一d野都冇執過, 全部係佢pack佢搬埋! 琴晚就執晒d手信同幫人買既野出黎, 真係有好多呀, 辛苦晒老公!!
 |
| 呢度係兩日收穫, 仲未計第三日買既老天祿! |
今日我地可以晏少少起身, 大約九點半先離開酒店搭的士, 目的地係台北近年熱點上引水產!
搭的士既時候同司機吹下水, 佢話車我地去機NT900, 抵過我地上次呀, 本身我地都諗住搭的士去機場, 見佢架車幾舒服, 就約好左四點酒店樓下黎接我地!
去到上引水產, 一入去係似漁市場咁, 行左個圈就再入去, 係一個類似超市既地方, 而立食既地方都係呢度, 再出去就係室外既燒烤地方!!
我地一心只會係立食, 十點先開始, 未夠鐘我地就行陣先, 呢度D野睇落好新鮮呀, 尤其係D海膽, 我地都好期待!!
十點準時入場, 我地叫左個特選壽司+特選刺身既餐, 食落又冇我想像中咁好, 可以話有D失望, 可能我真係期望過高, 又真係拎左佢黎築地比, 總之我覺得.....冇乜特別, 只係平過香港少少!
之後再叫多個象拔蚌+帶子刺身, 個帶子.........完全唔得, 切得薄之餘仲要係冇味架, 我係香港買一盒盒個D正過佢多多聲, 總括黎講我地只覺得三文魚同海膽係正, 其他都麻麻!!
好快食完就走, 因為企係度食真係唔舒服, 見唔夠飽, 就係佢個超市買返去食, 好抵呀, 碟三文魚刺身係NT210, 海膽NT737, 兩個都係超大超多份量, 個海膽係可以塞滿個口, 呢兩碟野我地差D食唔晒添!!
我地同酒店要求左1:00先退房, 所以就可以hea多陣, 諗下之後去邊, 呢間酒店service真係好好, d女仔好有禮貌架!!
退房後我地就行下西門町, 不過呢幾日都俾我地行晒咁滯, 見仲有幾粒鐘剩, 張悠遊卡又冇乜用過, 就搭捷運去台北車站了!!
行地下街, 仲幫老公同事買左李儀太陽餅, 原來呢間係特別貴, 不過真係幾好食! 之後去左行新光三越, 好鬼多人呀, 我第一時間睇LC既煲, 呢度多D款, 好吸引但我都係會忍到!!
再行就見到有個幾特別既行李箱, 真係幾吸引, 老公鍾意呢個牌子, 而我就鍾意個款, 屋企又只得個24寸, 不如買個大少少既用, 今次咁多手信又可以塞晒入去拎得舒服D, 真係差D買左, 好彩......最後都忍到手, 拿拿走人, 哈哈!!
兩點幾左右, 我地就返西門町了, 今次我地唔搭捷運, 係行返去呀, 仲經過見到R仔介紹既清玉, 可以飲多次個翡翠檸檬玉茶了!
返到西門町買埋老天祿, 我三個阿哥都話要食鴨舌, 所以買左兩盒俾佢地, 我地帶左個吉既大蝴蝶袋黎都唔夠裝手信, 今次真係辛苦老公!!
搭的士去機場, 真係舒服同快好多, 搭18:40機我地早左兩個鐘到, 係機場hea下, 搵到個位可以伸長對腳抖, 老公瞓著左, 我就掛住上網!
有朋友報料話台北機場免稅店買酒好平架, 同老公講完, 估唔到佢即刻彈起身話去睇, 本來係想買black label, 但呢度冇呀, 不過chivas就做特價NT440, 真係超抵, 買左兩支!! 我問老公係咪真係拎到, 佢話得架喇, 所以話男人.....都係一時一樣!
返到香港搭巴士, 搭搭下阿哥打黎叫我落車, 佢開車黎接我地, 實在太好喇, 因為架巴士有排行架!
Tuesday, 17 December 2013
台北紙婚之旅 Day 2 (9 Dec 2013)
第二日依然好早起身呀, 因為台灣朋友R仔話八點半至九點黎接我地出去玩!!
我同老公七點幾就起身, 諗住落樓下食早餐, 點知.....間間都冇開, 條街係好靜, 得幾檔小販, 我地就買左少少野食返酒店食!
點知....因為落大雨大塞車, R仔遲到, 我地成九點幾先出發!
第一站係十分, 原來條路好難行架, 十足十頭文字D個D路咁, 車程大約一個鐘, 我仲瞓著左添! 本來諗住落大雨冇得放天燈, 但係又西門町到十分期間, 睇住個天由落雨變左出太陽, 去到十分天氣好好呀, 真係好彩!!
黎到有好多人呀, 原來係一堆旅行團, 佢地霸晒D位放天燈, 我地就去食野先, R仔係咁叫我地食貢丸湯, 唔駛叫飯麵個D, 咁呢度D貢丸又真係好食過香港既!!
放天燈真係好危險, 眼見好多人一放上去就俾風吹跌, 分分鐘跌落你頭頂, 我地食食下野就有一個跌落黎了, 好彩隔離枱客走得切咋, 真係恐怖!
班旅行團走左後, 少左好多人了, 我地搵左間叫"曾家天燈"幫襯, 原來天燈唔同色有唔同意思, 咁當然唔同色又貴D, 總覺得呢D係搵笨, 但一場黎到又俾人搵笨下先安樂!
我地揀左四色, 開頭都唔知寫乜好, 之後越寫越開心, 好好笑呀, 寫完晒就放上天了, 好驚又俾風吹跌, 好彩我地成功放上去, 仲飛到好遠呀, 好開心!!
放完天燈, 我地係附近行下, 呢度有個瀑布架, 不過要收錢既, 所以我地唔去睇了, 另外有條吊橋係度, 影完張相我地就走了!!
第二站係九份, 其實十分去九份都唔近, 不過有朋友車, 可以舒舒服服咁去真係好爽, 之前我係搭火車再迫巴士上黎架, 好鬼辛苦!!
黎到又係超多人呀, 九份我黎過兩次, 都冇今次咁多人, 要迫入去架, 我地係咁行, 又入左間鋪叫貢丸湯, 之後去左間茶座坐, 仲有買左好多手信, 都係個句, 好彩有車咋, 拎住咁多野唔知點算!!
之後又周圍行, 諗唔到食咩, 一黎唔餓, 二黎好似好多野都食過咁, 最後去左間鋪飲金針排骨湯, 叫做有湯水!!
我同老公七點幾就起身, 諗住落樓下食早餐, 點知.....間間都冇開, 條街係好靜, 得幾檔小販, 我地就買左少少野食返酒店食!
點知....因為落大雨大塞車, R仔遲到, 我地成九點幾先出發!
第一站係十分, 原來條路好難行架, 十足十頭文字D個D路咁, 車程大約一個鐘, 我仲瞓著左添! 本來諗住落大雨冇得放天燈, 但係又西門町到十分期間, 睇住個天由落雨變左出太陽, 去到十分天氣好好呀, 真係好彩!!
 |
| 影婚紗相個陣佢地做左戒指座黎唔到, 今次帶返佢地黎補數! |
 |
| R仔去左廁所, 我地自拍! |
放天燈真係好危險, 眼見好多人一放上去就俾風吹跌, 分分鐘跌落你頭頂, 我地食食下野就有一個跌落黎了, 好彩隔離枱客走得切咋, 真係恐怖!
班旅行團走左後, 少左好多人了, 我地搵左間叫"曾家天燈"幫襯, 原來天燈唔同色有唔同意思, 咁當然唔同色又貴D, 總覺得呢D係搵笨, 但一場黎到又俾人搵笨下先安樂!
我地揀左四色, 開頭都唔知寫乜好, 之後越寫越開心, 好好笑呀, 寫完晒就放上天了, 好驚又俾風吹跌, 好彩我地成功放上去, 仲飛到好遠呀, 好開心!!
放完天燈, 我地係附近行下, 呢度有個瀑布架, 不過要收錢既, 所以我地唔去睇了, 另外有條吊橋係度, 影完張相我地就走了!!
 |
| 到此一遊 |
黎到又係超多人呀, 九份我黎過兩次, 都冇今次咁多人, 要迫入去架, 我地係咁行, 又入左間鋪叫貢丸湯, 之後去左間茶座坐, 仲有買左好多手信, 都係個句, 好彩有車咋, 拎住咁多野唔知點算!!
坐到下晝四點幾就走了, 最後一站係基隆廟口夜市, 我又係黎過兩次, 呢度唔太多香港人黎, 感覺地道d!
一黎到R仔就推介我地食水煎包, 去到真係好多人排梗, 老公好鍾意食呀, 因為好多菜, 哈哈!!
呢個夜市有好多海鮮呀, 我地搵左間坐低食左琵琶蝦同大蜆, 其實真係唔太肚餓!
 |
| 呢個就係台灣朋友R仔喇! |
 |
| 金針排骨湯 |
大約六點幾我地就走了, 因為R仔第二日仲要返工, 佢住新竹唔想佢咁夜先走, 車我地返西門町後就走了!!
到九點我地又落街宵夜, 最後一晚要最後衝刺, 首先係阿宗麵線, 之後係蚵仔煎, 乾蚵同魯肉飯, 其實我仲想食多次魷魚羮架, 不過真係食唔落!
 |
| 阿宗麵線, 幾時都係咁多人! |
 |
| 蚵仔煎 |
 |
| 乾蚵, 估唔到又幾好味! |
食飽後返酒店喇, 話咁快聽日就要走, 執好行李聽朝去埋上引水產就走喇!!
Monday, 16 December 2013
台北紙婚之旅 Day 1 (8 Dec 2013)
話咁快就結婚一年喇, 突然選擇去台灣過, 心情最初係好興奮, 兩日就搞掂晒機票酒店, 行程都好求其plan完, 之後就冇理過了, 算係最hea既旅行!!
book左八點幾既飛機, 諗住多d時間玩嘛, 出發前一晚仲掛住買餸煮飯, 食完餐飯都九點幾, 先慢慢執行李, 老公洗完碗極速執晒野就瞓了, 因為佢返完工嘛, 而我就慢慢執, 又要執定鼠鼠既糧食留俾阿哥上黎幫我餵! 最後.....三點幾先瞓, 五點又要起身, 仲辛苦過一年前呀!
今次我地每人一個背包, 雖然好輕便, 但時間太早, 所以都係call的士去機場! 去到機場搞掂晒, 攞埋伴手禮既換領卡, 就食個麥記早餐, 太hea既關係, 差d食到唔知時間, 仲要閘口原來要搭無人駕駛, 最後我地係急步去!! 第一次係去到閘口冇晒人, 不過我地都唔係最遲, 我地後面有另一對人跑梗黎, 哈哈!!
終於起飛, 個幾鐘既機程, 我同老公一齊睇percy jackson2, 點知睇到一半就夠鐘落機, 華航既飛機餐原來冇得揀, 早餐係牛肉飯, 雖則食左個麥記, 但我依然有食到d牛肉, 老公就話留肚!!
一落機又唔同左, 上次黎係裝修梗, 今次叫做裝修好, 仲見到有一班粉絲係度等偶像, 聽聞有韓星黎, 不過我地冇興趣理了!!
首先係搵櫃員機提款, 已經係唔係以前既位喇, 係要出晒境先可以提款, 仲要放得好隱蔽, 係兌錢銀行既隔離, 見到銀行兌1:3.677, 我用銀聯提款係1:3.793, 所以話提款機係最抵, 不過當然你要夠薑身無分文咁過去先得, 我就係身上得幾舊水港紙咁過去, 哈哈!!
之後就買電話卡, 有三間揀: 台灣大哥大, 遠傳同中華電信, 最多人排大哥大, 遠傳冇人, 我地揀左第二既中華電信, 其實三間價錢都一樣, 3日無限上網+NT100通話分鐘 = NT300, 本來以為我個通話分鐘會蝕, 原來都有用, 就係訂位同call的士!!
我地係度搞左大半個鐘, 因為我用既電話殼係要六角匙開, 其實黎之前我都有諗過呢個問題, 但我見個殼係有位開卡出黎, 所以冇理了, 點知去到原來係會頂住左個位, 搞左好耐先搞到, 浪費我寶貴時間!
搭國光客運去市中心, 一心係諗住去到台北車站再轉捷運, 原來佢有免費車去埋西門町, 去到台北車站就等, 每半個鐘一班車, 好彩我地只係等十分鐘!!
落車後就搵二十輪旅店, 個位好方便, 係武昌街間老天祿一直行就係了, 上到個lobby同網上睇既一樣, 好有特色, 不過未有房, 我地放低行李就出去搵食了!!
老公第一樣要搵既係"清心", 兩年前黎影婚紗相, 化妝姐姐介紹架, 仲要係飲"菁茶", 旅店附近都冇, 所以我地就去行程第一站 - 牛店!
呢間店係西門町, 所以好方便, 係行過去既途中, 竟然就見到清心, 老公好開心! 去到牛店, 勁多人等, 呢度係自助登記, 係門口有本簿, 你寫上自己名同留低電話, 有位佢就會叫你, 我地都等左半個鐘有多!
呢度寫住係台灣十大好店, 用澳洲牛, 其實都唔平呀, 我叫個清燉牛肉麵都港紙五十幾蚊碗!
買完後兩點幾, 就上去攞房了, LOBBY係6樓, 我地房係5樓, 搭LIFT去5樓係要用拍卡, 感覺好安全!!
book左八點幾既飛機, 諗住多d時間玩嘛, 出發前一晚仲掛住買餸煮飯, 食完餐飯都九點幾, 先慢慢執行李, 老公洗完碗極速執晒野就瞓了, 因為佢返完工嘛, 而我就慢慢執, 又要執定鼠鼠既糧食留俾阿哥上黎幫我餵! 最後.....三點幾先瞓, 五點又要起身, 仲辛苦過一年前呀!
今次我地每人一個背包, 雖然好輕便, 但時間太早, 所以都係call的士去機場! 去到機場搞掂晒, 攞埋伴手禮既換領卡, 就食個麥記早餐, 太hea既關係, 差d食到唔知時間, 仲要閘口原來要搭無人駕駛, 最後我地係急步去!! 第一次係去到閘口冇晒人, 不過我地都唔係最遲, 我地後面有另一對人跑梗黎, 哈哈!!
終於起飛, 個幾鐘既機程, 我同老公一齊睇percy jackson2, 點知睇到一半就夠鐘落機, 華航既飛機餐原來冇得揀, 早餐係牛肉飯, 雖則食左個麥記, 但我依然有食到d牛肉, 老公就話留肚!!
一落機又唔同左, 上次黎係裝修梗, 今次叫做裝修好, 仲見到有一班粉絲係度等偶像, 聽聞有韓星黎, 不過我地冇興趣理了!!
首先係搵櫃員機提款, 已經係唔係以前既位喇, 係要出晒境先可以提款, 仲要放得好隱蔽, 係兌錢銀行既隔離, 見到銀行兌1:3.677, 我用銀聯提款係1:3.793, 所以話提款機係最抵, 不過當然你要夠薑身無分文咁過去先得, 我就係身上得幾舊水港紙咁過去, 哈哈!!
之後就買電話卡, 有三間揀: 台灣大哥大, 遠傳同中華電信, 最多人排大哥大, 遠傳冇人, 我地揀左第二既中華電信, 其實三間價錢都一樣, 3日無限上網+NT100通話分鐘 = NT300, 本來以為我個通話分鐘會蝕, 原來都有用, 就係訂位同call的士!!
我地係度搞左大半個鐘, 因為我用既電話殼係要六角匙開, 其實黎之前我都有諗過呢個問題, 但我見個殼係有位開卡出黎, 所以冇理了, 點知去到原來係會頂住左個位, 搞左好耐先搞到, 浪費我寶貴時間!
搭國光客運去市中心, 一心係諗住去到台北車站再轉捷運, 原來佢有免費車去埋西門町, 去到台北車站就等, 每半個鐘一班車, 好彩我地只係等十分鐘!!
落車後就搵二十輪旅店, 個位好方便, 係武昌街間老天祿一直行就係了, 上到個lobby同網上睇既一樣, 好有特色, 不過未有房, 我地放低行李就出去搵食了!!
老公第一樣要搵既係"清心", 兩年前黎影婚紗相, 化妝姐姐介紹架, 仲要係飲"菁茶", 旅店附近都冇, 所以我地就去行程第一站 - 牛店!
呢間店係西門町, 所以好方便, 係行過去既途中, 竟然就見到清心, 老公好開心! 去到牛店, 勁多人等, 呢度係自助登記, 係門口有本簿, 你寫上自己名同留低電話, 有位佢就會叫你, 我地都等左半個鐘有多!
呢度寫住係台灣十大好店, 用澳洲牛, 其實都唔平呀, 我叫個清燉牛肉麵都港紙五十幾蚊碗!
食飽飽就周圍行, 見到ORBIS就要幫院友買野, 今日天氣勁熱, 十二月都成27度, 真係撞鬼, 最奇係呢間ORBIS仲熱過條街, 我買到出晒汗呀陰公!!
 |
| 芬蘭見到姆明, 估唔到台灣都會見到! |
我地房號係5001, 可以話係尾房, 但好OK喎, 設計幾好仲設備齊全, 有埋護髮素牙膏牙刷拖鞋, 仲有個有力既風筒(太多酒店風筒都係廢), 我地間房係尾房, 所以個窗出面係個露台, 不過對後巷, 我地冇出去!!
係房執左陣野就出去了, 下一站係婚紗鋪, 探返之前既攝影師同化妝師, 搭捷運去永春站再行幾分鐘就到, 上次黎我地退左張悠遊卡, 好後悔呀, 因為有手續費, 今次我地決定唔退架喇!!
 |
| 5樓大堂 |
黎到婚紗鋪, 都冇咩點變, 攝影師好客氣, 係咁叫我地食野, 不過我地要留肚食晚飯, 最後佢迫我地食左個花生荳花, 估唔到花生係可以配荳花, 又OK喎!! 化妝姐姐仲買左盒"小潘鳳梨酥"俾我地, 話呢間好好味架, 一定要試下!
食飽飽又到下一站, 就係龍山寺幫媽媽買八仙果, 順便行埋華西街夜市, 不過我地真係好飽, 再食唔落野, 又買多杯菁茶, 另外買左NT100既燒魷魚返酒店食!
返到酒店hea陣, 我地又落街食宵夜, 我想食魷魚羮, 就去左老字號既"謝謝魷魚羮", 佢差唔多收鋪架喇, 好彩做埋我地生意, 真係幾好味喎, 唔知香港幾時先有呢樣野食呢?
第一日旅程就完結, 好豐富既一日, 不過唔夠瞓真係好辛苦, 明天仲要早起呀!!
下一站就係我地既結婚周年飯喇, book左五點半既玉鑫帝王蟹, 原來已經改左名做賞鮨, NT1250任食兩個鐘, 今次係有人燒埋俾你, 同上次唔同!!
我地第一輪都係每樣叫D試下, 再睇下有咩encore! 今次黎真係變晒質喇, 上次d蝦係剝埋殼架嘛, 今次冇, d野食都好似冇咁正, 係個牛叫keep到水準!!
頭一個鐘我地不停係咁食, 仲要食左好多肉, 我地仲諗住咁食法唔駛兩個鐘走得, 點知後期我地剩係encore蟹同牛, 食足兩個鐘, 哈哈, 仲有哈根大師雪糕添!!
食飽飽又到下一站, 就係龍山寺幫媽媽買八仙果, 順便行埋華西街夜市, 不過我地真係好飽, 再食唔落野, 又買多杯菁茶, 另外買左NT100既燒魷魚返酒店食!
返到酒店hea陣, 我地又落街食宵夜, 我想食魷魚羮, 就去左老字號既"謝謝魷魚羮", 佢差唔多收鋪架喇, 好彩做埋我地生意, 真係幾好味喎, 唔知香港幾時先有呢樣野食呢?
第一日旅程就完結, 好豐富既一日, 不過唔夠瞓真係好辛苦, 明天仲要早起呀!!
Friday, 6 December 2013
新屋煮煮煮
搬黎新屋個半月, 其實都煮左好多餐飯, 因為同自己講過, 搬左要煮多d, 洗少d錢又健康d, 不過暫時都仲係學習階段, 而且放工返黎己經七點幾, 煮埋飯都八九點, 希望不久將來可以快快手煮到一餐!!
首先係放工回家既快手餸:
娃娃菜+煎台灣腸 - 呢個真係勁求其, 雪櫃有娃娃菜剩, 又有台灣腸, 夾硬地放埋一齊!
瑤柱蒸水蛋 - 呢個又係老公成日叫我整而我又唔肯整既餸, d蛋好似豆腐花咁滑架, 網上太多唔同食譜, 尤其係蛋同水份量, 仲有咩火蒸, 先蒸碟水滾再倒蛋汁, 包保鮮紙等等, 我太懶冇跟足呀, 只係蛋:水=1:1.5, 水滾係成碟蛋汁放蒸架, 冇包保鮮紙, 再轉細火蒸4-5分鐘, 熄火焗多幾分鐘(冇限定, 只係搞埋第二碟餸), 不過呢個方法係用鑊蒸, 試過用煲湯煲蒸係要耐d時間既!
p.s. 用瑤柱水蒸, 連豉油都唔駛落!
光波蜜糖雞翼 - 如之前講, 光波爐整既野係正過焗爐, 真係好易就外脆肉軟, 我地之前好低能呀, 買左bbq個d蜜糖返黎, 點知好水架, 仲要俾我發現過左期成年, 不過又食我地唔死, 之後我掉左, 用左沖蜜糖水既蜜糖黎整, 係正好多!!
中式牛柳
細個好鍾意食架, 同屋企出襯街食阿媽都會叫俾我, 所以想試下自己煮, 個汁係自己調出黎, 我冇買ok汁, 唔想為一個餸而買一支野返黎, 不過調出黎都似係街食, 只係d牛柳唔知點解都係咁韌, 我已經有拍鬆, 唔通真係要用梳打粉先得?
之後都係光波爐傑作
蒜蓉牛油焗青口 - 鍾意食海鮮既我, 當然都會鍾意青口, 又係冰箱存貨, 加蒜蓉牛油就得, 最近買左麵包糠, 所以加埋上面, 係好食d既!
雞翼肉丸扁意粉
雞翼同肉丸唔駛講, 至於意粉, 有朋友講過想減肥就食意粉, 所以我想食多d, 但傳統意粉由細食到大有d厭, 近年就轉左買扁意粉! 前排去delifrance食野, 佢個意粉係冇汁既, 只有蒜蓉+黑醋, 老公好鍾意, 所以呢個意粉都係就咁搵蒜蓉炒完上碟, 再放支黑醋等老公自己落, 佢真係幾鍾意吃醋的, 哈哈!!
首先係放工回家既快手餸:
娃娃菜+煎台灣腸 - 呢個真係勁求其, 雪櫃有娃娃菜剩, 又有台灣腸, 夾硬地放埋一齊!
瑤柱蒸水蛋 - 呢個又係老公成日叫我整而我又唔肯整既餸, d蛋好似豆腐花咁滑架, 網上太多唔同食譜, 尤其係蛋同水份量, 仲有咩火蒸, 先蒸碟水滾再倒蛋汁, 包保鮮紙等等, 我太懶冇跟足呀, 只係蛋:水=1:1.5, 水滾係成碟蛋汁放蒸架, 冇包保鮮紙, 再轉細火蒸4-5分鐘, 熄火焗多幾分鐘(冇限定, 只係搞埋第二碟餸), 不過呢個方法係用鑊蒸, 試過用煲湯煲蒸係要耐d時間既!
p.s. 用瑤柱水蒸, 連豉油都唔駛落!
 |
| 真係似豆腐花多過蛋 ^o^ |
中式牛柳
細個好鍾意食架, 同屋企出襯街食阿媽都會叫俾我, 所以想試下自己煮, 個汁係自己調出黎, 我冇買ok汁, 唔想為一個餸而買一支野返黎, 不過調出黎都似係街食, 只係d牛柳唔知點解都係咁韌, 我已經有拍鬆, 唔通真係要用梳打粉先得?
之後都係光波爐傑作
蒜蓉牛油焗青口 - 鍾意食海鮮既我, 當然都會鍾意青口, 又係冰箱存貨, 加蒜蓉牛油就得, 最近買左麵包糠, 所以加埋上面, 係好食d既!
雞翼肉丸扁意粉
雞翼同肉丸唔駛講, 至於意粉, 有朋友講過想減肥就食意粉, 所以我想食多d, 但傳統意粉由細食到大有d厭, 近年就轉左買扁意粉! 前排去delifrance食野, 佢個意粉係冇汁既, 只有蒜蓉+黑醋, 老公好鍾意, 所以呢個意粉都係就咁搵蒜蓉炒完上碟, 再放支黑醋等老公自己落, 佢真係幾鍾意吃醋的, 哈哈!!
Thursday, 5 December 2013
第一次光波爐+IKEA美食
多謝雪雪送我一個光波爐, 仲要係送到去屋企樓下, 真係好感動啊!!
原本我同老公都諗住買架喇, 佢話人地話12L先夠用喎, 但雪雪呢個7L其實我覺得都好夠, 仲要係灰色, 好襯我個廚房!!
之前我有個焗爐用左好多年, 其實都幾殘架喇, 搬屋時仲整爛左隻腳, 有一個藉口俾我換喇, 聽聞光波爐都焗到野, 所以我要試下先!!
同老公愛上左IKEA野食, 可能係去完北歐, 更加鍾意, 之前去左入貨, 順便又試下個光波爐了, 果然.....係正過焗爐喎, 整出黎D野食真係外脆內軟, 好滿意!!
原本我同老公都諗住買架喇, 佢話人地話12L先夠用喎, 但雪雪呢個7L其實我覺得都好夠, 仲要係灰色, 好襯我個廚房!!
之前我有個焗爐用左好多年, 其實都幾殘架喇, 搬屋時仲整爛左隻腳, 有一個藉口俾我換喇, 聽聞光波爐都焗到野, 所以我要試下先!!
同老公愛上左IKEA野食, 可能係去完北歐, 更加鍾意, 之前去左入貨, 順便又試下個光波爐了, 果然.....係正過焗爐喎, 整出黎D野食真係外脆內軟, 好滿意!!
 |
| 光波中~ |
 |
| 左下薯餅, 左上雜菜薯餅, 右邊係肉丸 |
IKEA既美食, 我地肉丸同雜菜薯餅係雪櫃存貨之一, 真係好正架!!
另外買左下面呢個鹿鹿粉, 其實唔知點整, 有晚煲左雜菜湯就放埋D粉落去, 健康又簡單既一餐!!
Monday, 2 December 2013
小鼠鼠叫咩名好??
有一樣非常頭痛既事就係改名, 我真係諗唔到呀, 老公話叫肥嘟嘟, 好似.....求其左d, 有朋友話叫Fattie, 但係查字典又好貶義, 好煩呀!!
屋企而家兩隻鼠, 另一隻烏卒卒已經兩歲幾, 身體好差了, 之前四隻最肥係佢, 而家瘦左好多喇, 見到都覺得心痛!!
天氣凍左, 係時候同佢地換屋, 希望佢地鍾意啦!!
 |
| 你睇下佢衰到, 又扮蜘蛛俠仲要伸晒脷出黎!! |
 |
| 烏卒卒既新屋呀, 睇下佢精神好差呀! >.< |
 |
| 睇下隻小鼠, 一陣間就整翻間屋, 真係好鬼勞氣架! |
做左人妻後煮既野
除左上篇post過既餸, 仲有整d新野!
滾紫菜瘦肉湯
呢個完全係懶人既湯, 掉晒落去一陣就飲得, 試過有晚幾個朋友黎玩, 大家口痕就滾左呢個湯俾大家飲, 好好笑!!
 |
| 滾紫菜瘦肉湯 |
又係99之前俾既花膠, 諗住整埋佢, 第一次整呢個餸, 完全唔識預份量, 特別係髮菜, 原來少少整出黎已經係好多!!
 |
| 炆花膠髮菜蠔豉 |
西餐永遠係最慳時間, 罐頭龍蝦湯, 手指魚, ikea肉丸, 再加個意粉醬就搞掂, 不過我老公太健康, 唔鍾意罐頭野, 所以個湯我飲晒咁滯!!
蒜蓉粉絲蒸扇貝
今次又係唔識預份量, 好鬼多粉絲多左出黎, 多到要用黎墊底, 不過味道好好呀, 我最怕生蒜, 所以蒜蓉一定要用滾油淥左先!
 |
| 蒜蓉粉絲蒸扇貝 |
發現左一樣好平既餸, 就係鯰魚柳, 百佳惠康都有得賣, 真係超抵食, 成為左雪櫃存貨之一!
 |
| 西芹炒魚柳 |
茄汁蝦
其實我之前整過黃金蝦同美極蝦, 前者太煩了, 又要處理蛋黃又要炸蝦, 老公好鬼健康(其實係麻煩)架嘛, 成日話健康, 之後整美極蝦, 不過99成日整俾我食, 我又冇佢整得咁好味, 所以就開始整茄汁蝦, 都係d茄汁糖喼汁等溝埋黎整!!
 |
| 茄汁蝦 |
蟹膏海鮮炒飯
honeymoon時係挪威買左幾罐蟹罐頭, 但係唔知點整好, 呢個蟹膏好香呀, 我用左黎炒飯, 加d海鮮, 一路炒成間屋都係蟹膏味, 有見及此, 之後有朋友去我都叫佢幫我買返黎!!
 |
| 蟹膏海鮮飯 |
海味蒸肉餅
呢個係跟網上何師奶既食譜, 今次少水左好多呀, 不過我都係鍾意食土魷蒸肉餅多d!
 |
| 海味蒸肉餅 |
牛扒+煎廣島蠔+意大利飯
前排換樓短租三個月, 好多廚房野都冇拎出黎, 所以冇乜煮過一餐, 只有簡單既野, 而阿哥係住我樓下, 佢有個staub grill pan, 就問左佢借黎玩, 其實我都唔知有咩唔同, 唯一唔同既係塊扒有紋, 哈哈, 懶high咁, 意大利飯係759既貨仔, 十幾蚊包, 佢都似正宗煮法咁, 加水不停搞搞搞, 不過係調好晒味, 抵食又正!!
Subscribe to:
Posts (Atom)