小鼠鼠叫咩名好??

 之前講過屋企黎左新成員, 驗身之後佢應該係一個男仔, 人同鼠一樣, 細個真係百厭d, 最初黎到就勁細膽, 少少野已經嚇餐飽, 唔駛好耐已經習慣喇, 見到我地仲會即刻走黎籠邊叫我地俾野食添!!

有一樣非常頭痛既事就係改名, 我真係諗唔到呀, 老公話叫肥嘟嘟, 好似.....求其左d, 有朋友話叫Fattie, 但係查字典又好貶義, 好煩呀!!

屋企而家兩隻鼠, 另一隻烏卒卒已經兩歲幾, 身體好差了, 之前四隻最肥係佢, 而家瘦左好多喇, 見到都覺得心痛!!

天氣凍左, 係時候同佢地換屋, 希望佢地鍾意啦!!

你睇下佢衰到, 又扮蜘蛛俠仲要伸晒脷出黎!!

烏卒卒既新屋呀, 睇下佢精神好差呀! >.<

睇下隻小鼠, 一陣間就整翻間屋, 真係好鬼勞氣架!