2012年月曆

前排團購左個DIY月曆, 只係$58咋, 其實本來諗住唔整, 因為我最怕屋企多野, 又阻地方又鋪塵, 最後都係忍唔住買左, 唔買驚後悔, 只係CD BOX size唔會太阻地方既, 2012年呢一年太值得紀念喇, 而且呢個月曆可以任你加d特別野上去, 好似幾好玩~

上網搞左好耐, 因為佢要用廿幾張相, 最慘唔係張張相fit到, 仲有要加返d日子上去, 例如big day, 過大禮, 回門等等, 都搞左幾星期先完成, send出去後就等佢寄黎我屋企喇~

上面寫15個工作天, 我5/12send出去, 過左聖誕仲未有, 就email去問, 結果叫我耐心等候喎, 激死我, 諗住2012年前都未必有架喇, 估唔到琴晚(28/12)又收到, 男友唔知我整左d咁既野, 琴晚我出左街, 返到屋企見到包野放左係枱面, 我好興奮話: 終於收到喇!!   男友問我係咩黎, 我話....你拆黎睇下咪知囉~

佢好似小朋友拆禮物咁即刻走過黎拆, 之後好似見到新奇玩具咁, 好搞笑, 不過d相出到黎有d黃, 其他大致冇乜問題, $58真係幾抵玩呢~

最後一個單身聖誕

話咁快又到2011年尾, 就快踏入2012年喇, 今年年尾真係好, 聖誕假踏住星期六日, 今個聖誕連放四日呀, 而男友放勞工假, 星期六又長週, 只係放左兩日假~

今個聖誕最大驚喜, 就係一d都唔浪漫既男友竟然有買聖誕禮物, 今次我真係完全唔知, 終於都冇破壞佢既計劃, 佢又用返同一招, 就係唔聲唔聲放埋一邊等我自己發現, 今次我好快發現左, 收到一刻仲大叫出黎~

拆開黎睇, 原來係Anna Sui耳環, 佢實在太了解我喇, 知我鍾意Anna Sui, 仲要係紫色既蝴蝶吊吊款, 好開心呀~

不過我冇買禮物呀, 邊諗到呢三年都冇送, 今年突然會送喎, 唯有煮返餐俾佢啦, 佢不嬲鍾意食住家飯, 所以放四日假, 煮足三晚俾佢, 哈哈~

呢個聖誕實在太開心, 要重溫一下:

24/12晚同一班好姊妹過, 我地成十幾年冇一齊過聖誕喇, 咪就係因為大家拍左拖有異性冇人性囉, 咁其實當中有一兩個都有一齊過既, 但未試過咁齊人, 仲帶埋自己男朋友/老公, 所以真係好開心, 仲有呢餐邊爐係我同好友既老公兩個半桶水既人去街市買, 我地成功買左一餐千元邊爐餸, 樣樣都好好食, 對做一個入得廚房出得廳堂既師奶又邁進一大步喇~

打完邊爐我地仲交換禮物, 玩card game, 仲有打牌, 竟然係玩通頂, 多年未試過呀, 走個陣得6度咋, 雖然好凍但係好開心, 男友話通頂+凍, 令佢諗起上次希臘旅行, 哈哈~

25/12我地瞓足一日呀, 通完頂真係好攰, 同埋自從有間屋真係唔多願出去 (其實我地兩個都好宅!), 好彩屋企有物資, 黎個自家聖誕大餐, 成餐都係我煮架, 有牛扒+薯角+蕃茄啦, 係咪好奇怪點解冇汁呢? 因為呢隻扒唔用汁都好好味, 只需要落少許鹽就可以了, 落汁反而會搶左佢原先既牛味呀, 仲有周打蜆湯, 當然係罐頭啦, 不過我另外加左蜆肉, 仲有手掌咁大既帶子刺身同甜蝦刺身, 全部見得下人架~

26/12 男友起身出去剪髮, 順便買餸, 都話佢好鍾意食住家飯架喇, 收到對耳環令我勁冧, 所以今餐都係我煮, 仲諗埋煮乜添, 包括有整過既土魷蒸肉餅, 同埋第一次整既蝦醬西芹炒蝦仁, 再煲埋雪梨雪耳甘旬豬展湯, 大成功, 全部清晒!!

27/12 男友要返工, 屋企個煮食爐撻唔著, 又懶懶地, 黎個懶人專煮既有味飯, 落街買左豬肉, 乜鬼都加左落個飯煲度, 又快又好食, 呢度有d乜呢? 瑤柱, 蝦乾, 銀魚, 蠔豉, 肉片, 好鬼豐富呢~

其實平時我間中都有煮架, 不過唔知點解個個都覺得我唔識煮飯, 今次連續三日中西餐都有, 証明我係入得廚房出得廳堂架, 聖誕大快樂~

搵wedding mc

睇過好多篇BLOG, 都係原先唔諗住搵MC, 最後都係決定搵, 而我都唔例外, 本來諗住搵自己朋友算, 但之前提過有D發生了, 兄弟姊妹人選變了, 連MC都未有人選, 係我煩惱梗既時候, 去左飲舊同學+BLOGGER LEONA個餐, 佢請左個MC返黎, 發覺原來有個MC成個氣氛都可以差好遠~

之前都有去過請MC既婚宴, 但都係女MC, 而LEONA請既係男MC, 玩既遊戲都係關於一對新人, 冇做個人SHOW, 其實我覺得好好, 唯一唔好係我覺得佢個樣太騎呢囉, 我唔係要靚仔, 之但係一去到另一位同學(我姊妹團之一)就話個MC好樣衰, 如果我仲搵的話, 可能會好煩, 其實呢位姊妹本身都係少少麻煩架喇, 個晚飲竟然問我開門利是會有幾多, 大佬呀, 仲有成年先結婚, 駛唔駛咁心急呀?

呢幾日同男友講不如請MC, 佢第一個反應係問點解, 我反問佢, 咁你覺得你個度邊位可以做MC? 佢答我冇, 咁我話我個度都冇喎, 係咪唔要MC呢? 男人真係唔用腦的!

好啦, 咁上網搵下資料, 最出名既TXM LXX, 聽聞價錢好貴, 而且唔係想像咁好, 可能紅左就係咁, 咁再睇下其他, 價錢都係三千左右, 但我心目中係想要一個男MC, 所以範圍收窄了~

我試過email問戴律師, 睇下佢覺得邊位MC有交帶同唔錯, 佢介紹左個ZOE LIT俾我, 但係我想要男仔呀, 唯有再問不過未覆~

其實我好怕搵著D唔得既MC, 俾錢之餘仲要唔得個下先嬲嘛, 咁我不如是但搵個朋友!

突然諗到其實我係識一位有線男主播, 係讀書時代識不過唔熟, 咁我就屎忽痕問佢平時WEDDING MC收幾錢, 佢話.....AROUND一萬, 如果我搵佢可以再俾discount, 但係都好貴, 完全out晒budget, 雖然話搵佢一定ok, 因為佢口材係好好, 又見慣大場面, 不過真係貴, 同埋我有少少怕佢會搶晒風頭~

而家又繼續煩, 希望戴律師快d介紹到人俾我啦~

Free Wedding Logo - Iwedding (final)

上次講到個logo冇改日期個字體, 本來諗住算, 不過個心硬係唔舒服咁, 於是死死氣send多次email問佢可唔可以改, 估唔到又好快改左俾我, 好開心呀!

本身都幾鍾意呢間, 睇過佢地既價錢又唔係貴, 打算會搵佢地印invitation card, 因為咁印仲平過我印牛油紙, 佢地有個package $1500, 包幾樣野架, 我覺得好抵, 不過有d野我又冇需要, 所以問梗佢如果剩係整個board for backdrop, 座位表同埋印card, 大約會幾錢, 待覆中~

5th Pre-wedding (Mona Lisa) - coupon upgrade

如無意外, 呢次會係我地最後一輯pre-wedding喇, 5輯真係好多, 男友都詐型了, 最初佢仲幾開心, 而家真係影到攰~

本身有博藝會既coupon, 詳情如下:

coupon (價值$4488)
包婚紗2套連髮型及飾物,
新娘及新郎化妝各1次,
4"x5"-12相片連相片
5"x7"-1相片,
8"x10"-1相片,
16X20"-1油畫,
以上套餐不包影像$138/ps,不包相框$800UP,內衣,恤衫,花球

不包粉卜$25/個,眼睫毛$88/對.不包執相及EFFECT.....

得12張硬照冇softcopy, 真係要黎把鬼, 仲要唔包男禮同執相, 有d似焗你upgrade咁! 由於我鍾情青馬橋景, 所以我就係焗upgrade既其中一位, 佢再send左d upgrade package俾我, 而我對遊艇冇興趣, 所以只有呢兩個較適合~

優惠一:+$3680映全新"珀麗灣"景區(映樓室內景,公園或沙灘)
可選25款cd-file(檔案),
8x12-19張相部1本,加送珍珠封面
原套餐16x20轉20x24-1油畫送's'框,
原5x7-1及8x10-1SR加送面連框,
原套餐男仕禮服轉1套(公司款),LUXE款除外
包電腦效果,粉卜,眼睫毛.包執相.....

 套餐不包:花球$698/set,恤衫+內衣($450),

另買影像$138/1張連4x5相,20張以上,特價每張$128,30張以上$118

優惠二:

mwst $6988

珀麗灣景區(公園,沙灘,室內景)+自選外景日景1個+送影樓夜景

套餐內容連禮品:拍攝150以上選43款數碼影像連CD檔案,

仲有額外禮品但需先到先得
10"14-20張相部1本,加送珍珠封面

6"X6"-20張相部1本,(大相部內選晒)

10"x12"-1連coating連(S)框,

8"x10"-1連coating連(S)框,
5"x7"-1連coating連(S)框,
8"x10"-1相片,

5"X7"-1相片,
20"x24"-1油畫(連(S)框$800)

20"x30"-1簽名冊

*可選COMPLICITE 系列婚紗映戶內景*

3套婚紗或晚裝連髮型拍照(飾物任選
男仕禮服二套公司系列(LUXE款除外),
新娘及新郎化妝各1次,
黑白映功,電腦EFFECT,

P.S:(另買數碼檔案$138連4"X5"相,20張以上,每張$128,30張以上,每張$118)
 (套餐不包花球,恤衫,GIRDL,相框)

我選擇左去會展join, 因為會多d野送, 所以剛過去既婚紗展, 我就去左出血了!

本來諗住join$3680, 因為我剩係想要青馬橋, 點知呢個package冇夜景, 咁夜景係靚好多嘛, 加埋有一對魔鬼係度, 搞到我好自然就決定join$6988, 之但係我男友又未到, 打去同佢講時佢仲好似好不滿咁, 話等佢黎到先講, 點知佢黎到又冇野喎, 話你鍾意呢個就join呢個啦, 梗係啦, 我一早講明自己俾錢的!

至於同個sales傾左d咩呢, 首先佢話係包45 instead of 43張, 之後我話唔想要d相架同簽名布, 要搵地方放太麻煩, 想佢再俾多d soft copy我, 佢同經理傾左後話可以揀多3張, 即係48張, 我地當然唔滿意啦, 唔要咁多野都係多3張咁大把, 再傾一輪後, 終於成功爭取到有50張, 另外二月或之前影佢會俾多$1000 coupon我用黎買相, 原來三四月已經full晒喇, 其實我都驚凍, 但為左多$1000 coupon, 我揀左2月影!

總括最後, 我個package係coupon+$6988(好肉痛), 有57-58張相, 一張油畫, 兩本相簿, 魔鬼朋友話抵過佢地法國個package(原先係一樣), 就係咁, 我就乖乖奉上七千大元, 仲約埋1月1日試衫, 2月11日影, 真係冇乜時間剩架咋, 過埋個十二月我要地獄式減肥, 新年要食少底蘿蔔糕了~

順便介紹一下呢位sales, 各位jm有興趣都可以搵佢, 因為我覺得佢幾好人, 佢好誠實地話, 其實相簿唔加coating都得, 所以我都預左影完唔會再加錢架喇, 呢位sales叫LAURA LAU, 係尖沙咀分店返架~

Free Wedding Logo - Iwedding

參加左三次, 終於都被選中了, 收到後要求佢改字體又肯改喎, 不過個日子冇改呀, 好似好怪相咁~

3rd Pre-wedding (Majesty) - 揀相

話咁快就可以揀相了, 不過呢間野惡評如潮, 所以我都冇乜期望, 冇期望就唔會有失望嘛!!

首先講下呢間公司, 佢地應該前排發生事, d人走晒, 新既一批人又唔知d單點, 所以要慢慢follow返, 最慘佢地成日唔聽電話, 真係嬲到震, 不過d人都叫幾nice既, 就係我影完幾日, 有人打黎問我影左未, 可想而知佢地真係好鬼亂, 到我約左琴晚揀相, 佢地又早兩日打黎問我, d相係幾時影, 可能真係上手既員工玩野整亂d單啦, 搞到佢地而家要慢慢跟返, 見佢地咁慘又幾nice, 就算數, 不過對呢間公司已經冇乜好感了(對公司唔係對人)!

上到去揀相, 有個叫總監既人幫我地, 即係負責放d相俾我地, 要邊張就同佢講, 佢地好煩架, 人地係唔要就delete, 佢係要先mark低, 呢位所謂總監真係幾不知所謂, 首先連佢自己都搞唔掂個d file, 次序又亂, 仲下下要等, 其次係佢放相俾我地睇時, 好煩囉, 呢張又話靚個張又話靚, 明明肥到爆燈都話靚, 最離譜係半合眼都話靚, 仲要同我講, d相係可以執, 例如執走d路人呀, 執瘦d呀等等, 點知到最後話原來個package係包簡單執, 頭先講個d係唔包喎, 認真吹賬, 唔該你睇清楚張單先走黎講野啦!!

我地total有120張, package係包20張soft copy, 10張入相簿, 第一輪我地mark左68張再揀, 其實好多都係是但mark左先算, 68張後再揀左45張, 之後就26張, 最後20張搞掂, 一張都冇加, 因為d相真係影得麻麻, 可以話我咁多輯最差既一輯, 不過$688仲想點, 租衫化妝都要啦, 因為影得唔好, 我地揀得好容易, 最鍾意都係影埋對龜公仔個d! 揀晒相個總監係咁問我地會唔會要晒d相, 我口痕問佢幾錢, 佢話$3888, 痴孖筋, 我即刻話唔駛了, 之後再話$2888, 再去到千幾蚊, 我都係話唔駛, 其實佢都幾煩, 好心啦, 你成晚係咁出錯, 仲好意思黎叫我買返晒d相, 再揀10張入相簿後佢就返左入去, 好nice既女仔就走黎幫我燒碟, 我忍唔住問, 呢個攝影師黎架? 佢話佢係我地既總監, 不過我都唔知總監係咩, 是但啦, 總之我對佢好不滿, 成晚係度廢o盒!

即場燒左隻DVD俾我, 佢話相簿15日就有, 到時打俾佢問下就ok, 返到屋企開d相黎睇, 有兩個file有問題開唔到囉, 真係唔知搞咩, 屋企電腦同公司電腦都試過了, 咁即係唔係我電腦問題啦, 唉~唯有試下叫佢email返俾我! 大家睇住幾張先啦~

影幾輯都冇影過男友錫我隻手, 所以揀左呢張~

攝影師話最鍾意呢張喎, 仲加埋效果~

其實幾鍾意呢度, 可惜d相影得唔靚~

最鍾意都係有龜公仔既相~

呢張係我地個日影既最後一張, 出黎效果幾好呀~

出椒了~

唔知點解, 每次我用心做某件事既時候, 總會係白費心機, 但冇心去理佢時, 又會有意外收穫, 之前既車厘茄悉心種佢, 首先係病, 去完個台灣仲枯埋, 搞到冇咩心機!

遲佢個幾月落種既椒, 我冇乜理佢, 去完台灣都冇事, 不過生長緩慢之餘, 仲好似營養不良咁, 我都冇乜理佢, 反而月頭見到佢開花, 而家仲結果添, 睇黎佢應該係小肥羊辣椒喇!!

倒數一年的進度表

我們的大日子 : 8 Dec 2012 (Sat)

婚宴地點 : 博藝會 - 宴會廳

出門地點 : 帝景酒店19/F

註冊

註冊地點 : 博藝會 - 宴會廳

註冊時間 : 8 Dec 2012 18:00

証婚律師 : 戴秉信律師

羽毛筆+座 : 未睇

戒指座 : 小小白(龜龜)戒指座

証書套 : 搵梗

過大禮

過大禮日子 : 2012年10月14日 (星期日)

過大禮用品 : 未買

婚紗相及當日攝錄

婚禮攝錄 : 純美新娘 - 小寶(standard) + Ivan (snap) + Steven (video)

成長片段 : 未決定用邊個
   1. The Amor - 連our love story, 朋友已整, 會再改
   2. 純美新娘 - 未準備


即日剪片 : 純美新娘

婚紗相 :
1. The Amor (已影@果欄+石澳+IFC on 9 Feb 2011)
2. G3 (已影@studio+觀塘碼頭+大潭+煤氣燈街+高街 on 29 Apr 2011)
3. Majesty (已影@石板街+域多利監獄+青年會 on 25 Nov 2011)
4. 台灣綠攝影像 (已影@新竹+苗栗 on Oct 2011)
5. Mona Lisa - 考慮酒樓coupon再upgrade最平package (三千幾)

服裝

新娘 :

婚紗晚裝(pre-wedding) : 百利純美新娘 + 淘寶

婚紗晚裝(big day) : Legend House

婚紗鞋 : 未睇

晚裝鞋 : 未睇

褂 : 已有(from媽媽)

褂鞋 : 未睇

Girdle : 已買satami & GLC

Nude bra : 已買

頭紗手套 : 未睇

新郎 :

新郎禮服 : Legend House

新郎恤衫 : Legend House會送一件訂造

皮鞋 : 未睇

父母 :

奶奶裙 : 未睇

外母裙 : 未睇

老爺西裝 : 未睇

外父西裝 : 可能唔駛買

兄弟姊妹 :

伴娘裙 : 未睇

伴郎衫 : 未睇

姊妹裙 : 未睇

兄弟衫 : 未睇

化妝飾物

新娘MUA : June Lo

伴娘MUA : 自己搵

家人MUA : June Lo

姊妹MUA : 自己搵

頭飾 : 未睇

頸飾 : 未睇

手飾 : 未睇

結婚戒指 : 已買@ADIAMOND

嫁妝 : 未買

花車佈置

主花車 : 阿達 - 紫色倫敦的士

其他車 : 未睇, 應該用博藝會送既benz轉24座

結婚花球 (鮮花) : 未睇

結婚花球 (絲花) : 已有2個for拋

新郎襟花 : 未睇

姊妹手花 : 未睇

兄弟襟花 : 未睇

家人襟花 : 未睇, 可能DIY

婚禮用品

喜帖 : 博藝會包 - 未印

餅咭 : 已買美心150張

唐餅 : 未買

Wedding Logo : 已有兩個, 將會有第三個

印章 : 已整

利是封 : 有少量(from三佬)

放利是福袋 : 未睇

人情箱 : 已買, 待Handmade by Mi裝飾

貼紙、囍字、對聯 : 未睇

敬茶茶具、碗筷 : 已有(from三佬) + 博藝會提供

咕o臣 : 已有(from三佬)

紅傘 : 未睇

睡衣 : 未睇

上頭用品 : 未睇

子孫筒 : 未睇

回門乳豬 : 未睇

結婚公仔 : 已有兩對

龍鳳被 : 未睇

晚宴用品

晚宴backdrop : 博藝會提供

簽名布 : 純美新娘 + 綠攝影像

簽名筆 : Handmade by Mi

晚宴歌曲 : 未諗, 博藝會都有

晚宴司儀 : 未諗

賓客名單 : 未整

座位表 : 未整

檯號牌 : 博藝會提供

餐牌 : 博藝會提供

啤牌 : 未睇

席前小食 : 博藝會100份席前小食+美心西餅

紅酒+VSOP : 未睇

兄弟姊妹團

伴郎 : 樑少

兄弟 : Dicky, Ka Ki, Siu Hang, Tak Fu, Tat, Yeung

伴娘 : Mavis

姊妹 : Amanda, Eppie, Escher, Eva, Pet Pet, Shirley

當日程序

當日rundown : 未整

分工表 : 未整

Package List : 未整

其他各項準備

婚前檢查 : 未睇

試菜 : 未安排

蜜月旅行 : 有錢先去

新居 : 已有 

倒數一年

話咁快就倒數一年喇, 時間真係過得好快呢, 好彩之前plan要做既都叫做晒, 黎梗既小item就有排煩喇, 不過點都好, 過埋呢個十二月先, 呵呵!!

琴日係我地拍拖30個月, 本來話唔慶祝, 但大家都冇野做, 諗住是但食d野就返屋企, 最後都走左去pizza hut, 因為我地鐵見到個廣告牌有芝士帶子pizza好吸引, 二百幾蚊一餐其實真係唔平呢, 平時既我地去茶餐廳或者快餐店一百蚊有找架!

今晚我地會去食buffet, 都幾個月冇食喇, 終於有個藉口去食下, 我地兩個都係生蠔怪, 最勁個次加埋食左人地110隻生蠔, 哈哈! 真係好耐冇試過兩條友食buffet, 好期待呀!

係度送上一張無聊之作, 本來諗住用iphone個apps整, 點知佢會cut左我張d邊位, 激鬼氣用powerpoint再整, 個設計來源擺明就係抄個d apps架喇, 鬼叫自己冇設計頭腦咩, 其實powerpoint我都未學過, 亦都只用過一次, 所以張相係咁上下簡單架喇, 唔好笑我!

下一篇將會係朋友限定既進度表!

~Happy 30th Month~

呢兩日都好特別, 今日係我地一齊2年半, 即係30個月既日子, 而聽日就係我地倒數結婚一年, 不過都係聽日先出去食飯慶祝, 唔想洗咁多錢呢!

我地識左就黎12年, 一齊左2年半, 時間過得真係好快呀, 呢12年我拍過n次拖, 原來兜兜轉轉真命天子一早已經係身邊, 真係好似做戲咁!!

今日無聊整左張相, 聽日倒數將會有另一張!

HAPPY 30TH MONTH!!

知足常樂

最近運氣唔錯, 好消息接二連三, 不過當然都要之前有返咁上下運滯先, 其中一劑就係巴士上遇到色狼, 伸隻手黎摸我, 好彩我都唔係弱, feel到佢有唔妥都有所防範, 只係當我出聲時真係冇人會幫我, 為左呢件事唔開心左幾日!

到冇幾耐後, 好運開始黎喇, 老細生日飯上有抽獎, 知道今年禮物好勁呀, 頭奬係cash 12k, 二奬係cash 8k, 三奬係IPAD2 64GB WIFI+3G版, 四奬係IPHONE4S 32GB, 五奬係IPHONE4S16GB, 六奬係IPAD2 64GB WIFI版, 之後仲有係SAMSUNG GALAXY S2, GALAXY TAB, cash 4k 等等13個奬, 另外再有10個奬係銀碼少d既cash, 有37個人抽23份禮物, 其實中奬率好高, 年年都係咁, 呢間公司抽到cash係要抽20%出黎歸阿公, 以作平時下午茶之用!

一年三次呢d大型活動, 就係老板娘生日, 老細生日同埋annual dinner, 我多數都係抽到少銀碼既cash, 因為就算乜都抽唔到, 都會有$500安慰現金, 今年首先係老板娘生日, 我抽到二奬五千大元, 到老細生日, 由於禮物升級, 下晝同男友講時, 佢話想要IPAD2, 因為我地已經訂左4S, 所以寧願要IPAD, 點知....我抽到部4S 32GB, 嘩....真係超興奮呀, 唔止咁, 當晚玩啤牌/打牌我都贏錢, 唔好以為我係爛賭之人, 只係呢D節目係公司飯局一定要參與, 仲有飲酒!!

FACEBOOK有間IWEDDING個個月會搞個FREE LOGO活動, 之前我參加過兩次架喇, 但係都抽唔中, 所以就放棄了, 直到最近見到又有十二月份FREE WEDDING LOGO, 趁呢排運氣唔錯又參加, 真係抽中左呀, 好開心!!

男友叫我幫佢買六合彩, 中左仲大把野唔駛煩呀, 哈, 上星期我地經過馬會, 入左去用馬飛拎錢, 張馬飛係老細生日個晚連埋利是派, 人人有份, 結果中左PLACE有$49.50, 入到馬會拎完錢, 男友拎左兩張飛出黎對, 原來佢成個月前買左兩張六合彩都未對, 點知原來中左$40呀, 其實都唔知係我好運旺埋佢定係其實佢都好運, 結果一齊又一人一張六合彩放銀包, 得閒先再對喇!!

其實我一直以黎都冇抽奬運, 玩乜都輸多贏少, 所以呢個月真係好開心, 我知道幸福唔係必然, 所以要好好珍惜, 我都冇奢望過發達個d, 只求d錢夠我地用就好, 做左太多年人喇, 好多野都睇化左, 最近身邊兩位姊妹都有感情煩惱, 而我可以做既都只係多d陪住佢地, 我都係過來人, 我知道呢一刻其實講咩佢地都聽唔入耳架喇, 可以做既只有陪佢地, 想當年都有一堆好友輪班陪我, 而經歷得太多, 亦會知道邊d係好朋友!

"知足常樂"呢句說話真係冇錯架, 呢幾年學識左, 做人都開心左, 希望身邊既朋友都可以明白啦!!

再接再厲

自從台灣返黎後d車厘茄死左大半, 等左咁耐, 佢地終於叫枯死了, 於是我的起心肝又搞下佢地!

其實我有好多種子, 都係之前係d網友俾我, 不過夏天太熱冇乜野可以種, 而家轉季好多野都種得喇!

種梗既通菜依然健康, 黎梗會收割第二造, 哈哈!

開花既椒都係咁瘦, 只係見到一朵花開過, 今朝見到花落了, 唔知幾時會結果呢?

之前盆通菜有蟲, 見到屋企有上次打邊爐食剩既辣椒, 拆左出黎有好多種子, 我已經抽起左好多種子, 而辣椒肉就溝水淋佢地, 因為聽講辣椒水可以驅蟲, 由於我係主張有機種植, 所以唔落得葯, 咩方法都要試下, 而咁橋地....可能唔小心跌左辣椒種子落去, 竟然有兩棵發芽, 抽左一棵健康少少既換盆種先!

本身既三盆車厘茄都拔走了, 棵椒換左去大少少既盆, 佢原先既細盆又俾我落左d小型車厘茄種子, d種子係人地交換, 我原先個d係正常版, 呢個係小型版, 唔知發芽率有幾高, 所以我今次落左3粒種子咋!

另外一個大盆落左一堆通菜種子, 費事俾人話種埋都未夠炒一碟啦!

另一盆落左3粒甜豆種子, 又係唔知咩黎, 發芽先再睇下點種!

一早買左個超大盆, 今次開埋黎用喇, 種咩呢? 就係生菜喇, 哈哈, 又落左3粒, d種子係淘寶買, 唔知發唔發到芽呢??

通菜真係粗生, 冇乜打理都可以生成咁, 已經食左第一造架喇, 加下肥又等梗第二造~

左起係誤打誤撞發芽既辣椒, 甜豆, 小型車厘茄~

冬天屋仔

嘩, 天氣突然變凍, 凍死人喇, 仲要我屋企對住個海, d海風吹埋黎真係凍到發癲, 呢d就係向海既代價, 冬天特別凍, 春天又特別潮濕, 不過上年冇春天, 我仲未經歷過!

為左避免屋企四隻小魔怪凍襯, 買左d屋仔俾佢地, 本身用梗陶瓷, 冬天真係會凍死佢地, 天氣涼左仲見到佢地開始堆左一堆木糠入去添!

呢d屋仔係淘寶搵架, 其實佢仲有其他款, 但我揀呢款除左呢款得意外, 仲貪佢冇底, d鼠鼠最鍾意周圍痾, 我寧願下面墊廚房紙俾佢地, 好過我下下要洗間屋, 淘寶間鋪買6送1, 所以我買左6間, 仲可以揀款, 不過佢d款全部都好女仔!

種椒 - 開花

今朝淋水時, 見到唯一一盆既椒竟然開左花, 真係好興奮呀, 不過呢棵椒好瘦呀, 諗梗換唔換盆好, 呢棵椒種左四個月架喇, 其實我真係冇乜點理過佢, 最初係有d朋友送左種子俾我, 有小肥羊辣椒同紅色甜椒, 我每樣落左兩粒, 得呢棵成功生存, 所以我都唔知佢係咩椒!!

其他幾棵車厘茄都差唔多枯死晒, 係呢個時候竟然有棵椒開花, 實在太好喇!!