話咁快就倒數一年喇, 時間真係過得好快呢, 好彩之前plan要做既都叫做晒, 黎梗既小item就有排煩喇, 不過點都好, 過埋呢個十二月先, 呵呵!!
琴日係我地拍拖30個月, 本來話唔慶祝, 但大家都冇野做, 諗住是但食d野就返屋企, 最後都走左去pizza hut, 因為我地鐵見到個廣告牌有芝士帶子pizza好吸引, 二百幾蚊一餐其實真係唔平呢, 平時既我地去茶餐廳或者快餐店一百蚊有找架!
今晚我地會去食buffet, 都幾個月冇食喇, 終於有個藉口去食下, 我地兩個都係生蠔怪, 最勁個次加埋食左人地110隻生蠔, 哈哈! 真係好耐冇試過兩條友食buffet, 好期待呀!
係度送上一張無聊之作, 本來諗住用iphone個apps整, 點知佢會cut左我張d邊位, 激鬼氣用powerpoint再整, 個設計來源擺明就係抄個d apps架喇, 鬼叫自己冇設計頭腦咩, 其實powerpoint我都未學過, 亦都只用過一次, 所以張相係咁上下簡單架喇, 唔好笑我!
下一篇將會係朋友限定既進度表!
HAHAH~~好靚呀~~~我都好期待~~我係度唸, 到時我地可以晚上一齊著坐紅睡衣影相~~XDDDD 不過係咪可以出門口既呢~好想一齊影出嫁既相呀~>W<~~我應該10點出門~
ReplyDelete[版主回覆12/09/2011 04:11:25]我仲未叫架, 搞左個RUNDOWN先啦, 不過我估都係十點半左右~
[Sasa Lok回覆12/09/2011 01:17:45]好呀~~著紅睡衣影~~因為我估我早上會好趕, 唔可以同你影la~~但有機會可以同你架london taxi影~~XDDDD你叫佢幾點standy by呀??
[版主回覆12/08/2011 16:56:02]我應該遲你少少呀, 著紅睡衣都得呀, 企係條走廊影! XDDD