首先中午佢既突如其來求婚, 到下晝我就出左去整蛋糕, 男友鍾意踢波同返拳, 本來諗住簡單d整個拳套蛋糕俾佢, 但係佢踢左好多年波, 同埋我上年開始已經想整個足球蛋糕俾佢, 慢慢改左個構思, 諗到整個球場蛋糕俾佢, 哈哈!!
我打左去之前跟過佢學整蛋糕既師傅度, 問佢整唔整到球場, 佢叫我自己諗下個樣, 佢再幫我諗點整, 好啦, 咁就當ok, book左佢30/7下晝上去!! 點知上到去勁多人, 個師傅都唔得閒理我, 其實都嬲嬲地, 我早一個月book, 原來佢都係唔理既, 有人報就俾人上去咁! 最初佢話整三個鐘左右, 點知最後用左四個鐘, 仲要原來有好多野佢都冇幫我諗, 都係即場大家諗點整, 好彩最後都完成到, 只係時間關係, cut左好多野, 例如想整立體龍門, 想整多幾個小足球, 都冇時間, 是但畫上去就算!
book左七點半去秋田食飯, 但因為個蛋糕, 改左八點, 後尾再改到九點, 可憐我男友係尖沙咀行左個幾鐘等我, 我就又要飛的出去, 已經好窮架喇!!
想去秋田好耐架喇, 難得有個藉口黎, 早一星期就book左, 仲問定晒人有咩好食, 個度食d野全部係貴野, 好食個d都係, 去到見到個menu, 叫左最貴既二人餐, 另加$80將個澳洲和牛薄燒轉牛肉粒, 我真係成世女冇試過咁豪, 不過真係好好食呀, 雖然係貴, 但係真係正呢!!
食完飯又飛的返荃灣, 今晚係酒吧幫男友搞生日party, 男友終於見到個蛋糕喇, 不過佢當然一早知我會整啦, 所以唔算係驚喜, 反而佢d朋友驚喜多d, 玩到差唔多天光先返屋企!
到31號正日, 反而我地冇咩特別, 因為佢媽媽係8月1日生日, 所以今晚出去食飯提早慶祝, 又要做返晒d家務, 所以放兩日假都好似冇放過咁, 不過睇到男朋友好開心, 佢好多年冇搞過生日架喇, 見到佢今年咁開心我都開心!!
 |
| 秋田特色之一, 不過我地既大頭龜實在太容易整喇! |
 |
| 秋田送既蛋糕! |
 |
| 我整既蛋糕, 哈哈! |
 |
| 俾個大特寫睇下先, 其實好醜樣架, 又唔記得足球中間係五角定六角形, 又唔記得球場中間係點, 索性唔畫, 求其到呢, 哈哈! |
咁都得??
