籌備台灣婚照之旅-酒店篇

做完溫泉篇既功課, 俾左男朋友睇, 大概都有心水, 不過都係要打電話去問詳情先, 都唔明點解台灣d公司, 一係冇email, 就算有, 我send左去問都唔覆, 真係迫人打長途去, 希望可以溝通到!!

而家輪到酒店篇, 由於台北悠閣冇想要既房, 所以我放棄左佢, 反正day4我地要去揀相, 所以第三晚我都揀左佢地附近既凡登, 我已經book左第一晚同第三晚都係凡登喇!!

呢間就係平既凡登, 冇窗的!

咁第四五晚點算呢? 我諗左幾日, 又send email問過, 平既又方便既我想住新驛, 因為個幾日係假期, 一晚要六百幾, 而之前講既汽車旅館, 我都send左去問, 仲傾左幾日添, 呢樣野我好鍾意, 佢地真係好有耐性答我, 又覆得快, 所以我都好想幫襯佢地, 而且傾完佢地都俾優惠我, 所以我又掙扎梗喇, 可能住兩晚呢度, 咁我唔駛搬住d行李周圍走吖嘛!!

首先我最鍾意既南瓜車房係TWD5280, 其次鍾意既希臘房係TWD3680, 第三鍾意既紫色房係TWD4080, 男友話唔住曼聯房了, 因為佢覺得一般!! 經過呢幾日同台灣個邊傾, 得出以下優惠, 有機票的話, 每房可以減TWD1000, 但希臘房除外, 因為佢係平價房, 佢話既然我鍾意希臘房, 如果我住兩晚, 例如南瓜車房+希臘房, 佢可以減TWD1000後再俾個九折我, 嘩...真係心郁郁呀, 但係如果我揀紫色房, 又可以減多TWD1000, 好複雜呀, 總括下先:

南瓜車房+希臘房 = (5280+3680-1000)x0.9 = TWD7164 = HKD1990
南瓜車房+紫色房 = 5280+4080-2000 = TWD7360 = HKD2044
紫色房+希臘房 = (4080+3680-1000)x0.9 = TWD6084 = HKD1690
兩晚平價新驛(精品酒店, 地點好, 但房細) = HKD1300

點算呀? 其實計返價錢又唔係話爭好遠, 但慳得就慳嘛, 男友話住南瓜車啦, 一黎佢知我好鍾意, 二黎佢都覺得靚, 不嬲都係好慳既我, 而家內心掙扎梗, 我需要多D魔鬼呀, 哈哈!! 睇多次相啦!!

我最愛亦係最貴既南瓜車房

南瓜車房既浴缸

第二愛既希臘房

第三愛既紫色房

其實鍾意紫色房都係因為呢個沖涼房!