籌備台灣婚照之旅-波折重重

上次寫完心水機票酒店後, 就開始email去問下, 點知咁多問題, 一直以黎我以為去旅行兩個月前book都算早, 今次我預兩個半月, 原來都叫做遲, 首先係機票, 我問佢可唔可以唔要華航, 佢話可以, 不過時間冇咁好, 返黎既時間會係下晝, 黃昏個班已經冇位了, 咩話? 冇位?? 唉....十成十係d旅行社hold晒位, 算啦, 華航就華航, 都係快d book左先, 一陣又冇位!

到第一晚酒店, 原來自己上網book係平差唔多HKD100, 所以我都係選擇自己黎, 酒店網頁都唔算最平, 反而去booking.com個d仲會平d, 一個好有用既網頁係叫"背包客棧", 上次去希臘我都用過, 搵到間酒店後佢會search埋邊度訂平d, 不過準唔準就另計, 我through一個叫agoda.com既訂左第一晚酒店, HKD5XX, 我覺得ok啦!

到台北悠閣, 我打算第三四晚住, 因為佢夠平(HKD4XX), 點知我想要既希臘房, 或者紫色房都冇了, 得返一間普通既, 雖然都叫做幾好, 但都係有d唔開心呀, 仲諗梗住唔住好!

輪到溫泉, 因為男友想浸溫泉, 咁我幾年前去過一間"亞太溫泉"幾好, 係露天既私人池, 其實溫泉我一般, 不過去得浸我會揀露天, 如果室內真係好冇feel, 好似係屋企浸浴缸咁, 當我打算去返個度時, 又一個壞消息, 係佢1/7開始裝修一年半, 唉....

咁我搵其他啦, 原來搵一個露天既私人池係咁辛苦, 其他既溫泉館, 露天既一係大眾池, 私人既就會係室內池, 我唔想同其他人一齊浸呀, 嗚嗚~ 搵到幾間叫做OK, 最正個間係台中, 但專程台北去台中浸個溫泉又好似太誇, 同埋我都唔知要幾耐!

再搵到另一個係"紗帽山", 又係叫做OK, 如果真係冇選擇先會揀呢間! 由於我有打開機, 識左幾個台灣朋友, 而家叫梗佢地幫我留意下, 希望可以搵到間鍾意啦!

呢間就係我之前去過既"亞太溫泉"裡面"森湯", 環境超正架!

呢間係睇中既另一間"伊豆", 不過係台中, 好遠!

呢間都係"伊豆" , 不過係半露天!

呢間係考慮中既"天籟", 係陽明山, 又好似好遠咁!

呢間都係考慮之列, 係"紗帽山"既"皇池"!