旅行過後, 我地係要去健康院打三支針, 嘩, 阿女喊到癲左呀, 應該係好痛喇, 夜晚有少少微燒啦, 又唔算好嚴重!
姑娘話佢企得唔好, 因為PATPAT拮起喎, 所以九個月要再返黎, 我都唔知點解我女識企, 但係只會腳尖企, 好似人地跳芭蕾舞咁, 真係激死人!
 |
| 放幾日假, 同個女屋企自拍! |
 |
| 生女可以幫個女打扮下, 帶個頭箍又唔同左樣 |
旅行幾日都係餵奶, 返黎繼續試米糊, 依然係見到隻匙羮就爆喊, 餵到我地好沮喪! 姐姐放完假就交返俾佢, 竟然又冇野喎, 好明顯係恰我地啦!
 |
| 阿女已經開始識拆床圍, 仲成日裝我地! |
到星期六日自己湊返, 我開始煲粥仔, 米糊就留返俾姐姐餵! 俾姐姐湊完一輪, 果然係好左少少, 起碼冇再一見到就爆喊先, 而係改為唔鍾意坐定定食野, 真係好鬼煩呀!
煲一次粥真係好多心機, 又要磨又要過箍, 整完一輪佢唔多食先激氣嘛, 唯有自己食埋佢!
好彩.....情況開始好好, 去到臨近七個月, 叫做正式代到一餐唔駛補奶, 時間由之前一粒鐘都縮到半個鐘就餵完, 真係好感動!
粥仔我磨+過箍兩次後都冇再搞了, 見佢食到就算, 慳唔少功夫呢! 而食物方面, 呢個月係試左甘荀, 蘋果, 南瓜, 節瓜, 香蕉, 暫時都冇乜野唔食, 不過食左南瓜塊面又有D紅, 原來南瓜係濕熱, 所以都唔會再試住了! 而香蕉食完會痾黑色色條條+粒粒便便, 好恐怖呀!
 |
| 難得天氣突然又轉涼, 即刻著埋最後一次件熊仔衫! |
由於阿女已經識企, 仲成日想逃離網床, 所以我地都開始要自己請姐姐了, 洗既錢又多左, 不過應該會舒服好多呢!
 |
| 開左張麵包超人網床, 100X100CM, 都夠大, 放晒D玩具落去! |
 |
| 呢張係阿哥屋企既網床, 好細張, 佢成日都想逃走! |
No comments:
Post a Comment