湊女生活 - 三個月

BB三個月, 我都正式開始返工, 雖然呢個月都叫多假, 一來補返2日產假, 二來係聖誕節!

今個月出街次數多左, 可以扮靚靚出街, 平時屋企多數都係著和尚袍, 男仔衫等等, 以方便為主, 出街就著過頭笠既衫, 比較麻煩, 不過就好靚呢!

之前兩個月BB都係做廳長, 因為我地房係全地台, 張BB床冇得直接推黎推去, 要拆左先得, 呢成日有人黎探會唔方便, 所以我地直接放廳, 開房門瞓覺, 呢個月開始凍, 我地就正式搬返入房, 一齊開暖爐瞓覺!

呢個月依然多野講, 同埋學識抬起頭喇, 我D朋友話佢算快, 另外佢仲成日想反身添, 搞到我好鬼擔心!

返左工後時間更少, 每日時間如下:
6:45 起身梳洗泵奶
8:05出門口+湊女去阿哥度
19:15放工返到屋企泵奶
20:00 上阿哥度食飯+接女返家
21:30 返家做家務+沖涼+泵奶

另外再加D私人時間睇陣電視上網等, 每日都2-3點先瞓, 所以日日都係勁攰, 我老公情況好D, 佢唔駛泵奶, 亦唔駛太多私人時間, 所以佢多數十一二點就走去瞓, 朝早6:00起身餵早奶先再返工, 之前佢一星期都會踢一兩晚波, 自從我生左先後佢都有去過了, 不過我都成日叫佢踢返, 免得佢D波友以為係我唔俾, 事實只係佢成日想返黎睇女, 哈哈!

出左兩日街, 都係著裙仔, 好難得呢!

我地結婚兩周年, 一家三口出去食飯!

朋友家聖誕PARTY!

聖誕同屋企人食BUFFET!