湊女生活 - 兩個月

第二個月, 陪月走左後, 要自己搞掂晒, 回想返覺得自己真係好強, 餵奶換片, 幫BB沖涼, 煮飯洗衫, 做家務, 泵奶, 竟然自己一個搞得掂, 而老公每日放工都會買埋餸返黎, 所以第二個月我地依然有住家飯食, 不過就真係瞓少好多!

BB真係大得好快, 竟然開始有衫唔O岩著, 仲會開始講野, 想人陪佢玩, 仲會開心到卡卡聲!

生女真係好開心, 可以當佢BARBIE, 我真係試過當佢BARBIE係咁換衫影相, 換到我都攰, 而佢都瞓著左, 哈哈!

我地又開始帶BB出街, 雖然每次都好辛苦, BB車又重, 上車落車都比較麻煩, 仲要帶一堆佢既用品出街, 不過我地又好ENJOY一家三口出街, 遲D可以用孭帶應該舒服D!

呢個月其實我都返左兩日工, 當然公司遲D會補返假俾我, 返呢兩日工好似出左去抖氣咁, 原來我都唔算係一個緊張既媽媽, 起碼我都冇話放工要即刻趕返去睇女, 反而約朋友吹陣水, 再等埋老公先一齊搭車返去!

生完之後腰骨長期痛, 反而一返工就冇事, 我完全唔明有D媽媽全職湊仲可以買餸煮飯係點搞得掂, 我諗我條腰真係會斷都似!

就快放完產假, 真係好唔捨得, 成世人冇乜幾何嘛, 而我同老公都諗住會生多個陪BB, 我地兩個都係有兄弟姊妹, 所以都想BB有, 不過開完刀要起碼抖一年先了!

BB兩個月大, 我地又帶左佢出街喇!