籌備一家三口之旅

哈, 我又旅行喇, 對上一次係紙婚之旅, 返黎冇耐就有左了, 今次我地又係去台灣, 因為帶住個女, 梗係去一個唔太耐機程同我地熟既地方啦!

話說去既原因係幫我湊女既姐姐三月尾會放17日大假, 咁我同老公要輪流放假湊女, 橫掂都要放大假, 不如去個旅行啦!

開始上網睇下機票幾錢, 同上次去差唔多價錢, 但酒店就貴左了, 因為今次帶埋BB, 所以都要小心揀, 最好有BB床提供!

等姐姐覆實我地日子後, 就開始訂機票了, 上網一睇, 國泰出左特價飛呀, 去台北只係$750+TAX, 即係$1200左右, 仲平過華航呢, 真係抵到爛!

至於酒店, 有一間之前婚照之旅問過話冇房, 叫台北悠閣, 今次又問下啦, 估唔到仲有兩間房, 佢仲有BB床提供, 所以就揀左呢間, 因為佢係家庭式經營, 類似民宿咁, 唔會有櫃台服務, 價錢都比較平, 每晚都唔駛$500, 地點係西門町, 樓下有7-11, 真係好方便!

暫時只係訂左機票酒店, 同左台灣朋友講聲, 仲未得閒睇下去邊, 帶住BB真係唔可以去得遠呢!