私家醫院留位費

2014年6月2日  21W

話說三月時胡醫生已經寫左紙俾我去港安俾留位費, 不過我一心想照埋結構先!

打過去問, 留位費(香港人)只需要$3000, 比起其他醫院, 真係平好多呢, 仲可以碌卡儲分!

趁今日端午節, 就同老公上一轉港安俾錢了! 屋企行上去其實應該15-20分鐘就到, 如果搭車反而要搭兩程, 天氣太熱, 我地選擇左搭的士, 哈哈, 原來的士都只係$25, 慳返時間又冇咁辛苦!

去到只需要出示醫生信同身份証就得了, 由於我係度住過, 佢地有我record, 核對返資料就ok, 不過我之前黎緊急聯絡人填左阿哥, 而家改返做老公, 仲有就係改返個地址!

俾埋錢, 全程十分鐘內搞掂晒, 我地又搭返的士走了!

我地下次再黎, 應該係9月29日晚, 等生bb喇, 又期待又緊張呢!!