北歐蜜月之旅-機票火車酒店

幾經辛苦, 終於book晒所有機票火車酒店, 原本係4月頭出發, 但因為老公公司忙, 我地提早左, 21/3 - 1/4, 為期12日, 其實有一日係搭飛機, 即係得10日!!

諗住可以慢慢睇, 點知原來d野好鬼爆架, 仲諗住兩個月時間好鬆動, 太天真了!

而家既機票真係貴呀, 本身個日期出發係復活節, 機票都要$11xxx, 痴線架, 而家提早左, 芬蘭直航係$9xxx, 本來想搵d轉機既搭, 但幫我book機票既朋友話芬蘭直航時間好, 其他轉機唔平得好多仲浪費左好多時間!

之後就開始砌行程, 諗下去咩地方, 點去等等, 不停網上爬文, 好多謝寫blog同埋forum分享既朋友, 真係獲益良多!!

本身我同老公係想去冰島, 但飛機去芬蘭不如就去埋芬蘭, 順便探下聖誕老人, 而去冰島都要經過挪威, 所以又順道去埋, 我地既蜜月之旅就會三個國家喇!!

下一步係睇內陸機票, 呢一下真係勁頭痛, 因為中間既時間真係好難夾, 一來唔係日日有機, 二來d時間差好遠, 冇理由浪費咁多時間係機場等轉機嘛, 用左幾日時間, 砌下度下, 終於砌左個簡單行程+交通安排出來了!

砌好後睇下, 原來破冰船唔係日日開架, 又要再夾過, 之後到火車, 總之就夾到我傻下傻下咁, 好彩最終搞掂左!

再下一步係酒店, 原來冰島既酒店又平又靚, 揀得好開心, 反而芬蘭同挪威就好貴了, 仲要最後個日好多都冇房了, 我全部酒店都係經agoda book, 因為有儲開分, 點知又唔係間間酒店用得返, 不過算啦, 係同一個網站用開唔轉了, 反正睇過其他都差唔多價錢!

火車方面, 老公話好想試下坐個d可以瞓既火車, 我睇過火車飛好貴囉, 仲貴過搭飛機, 舒舒服服住酒店搭飛機都唔制, 係要搭火車, 咁又唯有就下佢!

暫定既簡單行程安排如下:

21/3 DAY 1: 下午到達冰島後去BLUE LAGOON浸溫泉+酒店CHECK-IN, 附近閒逛同去超市買食材!
22/3 DAY 2: LOCAL TOUR (老公唔肯自駕, 所以要JOIN LOCAL TOUR) + 夜晚極光團(仲考慮中, 只係老公想去)
23/3 DAY 3: LOCAL TOUR + 附近閒逛
24/3 DAY 4: 搭早機去挪威OSLO, 再轉機去BERGEN, 下午到達後CHECK-IN, 之後趕去魚市場, 再之後未諗
25/3 DAY 5: 上午未諗, 下午搭飛機返芬蘭HELSINKI, 去到搵個地方晚飯再去搭通宵火車去ROVANIEMI
26/3 DAY 6: 上午到ROVANIEMI, 酒店CHECK-IN後附近閒逛, 去全球最北麥當奴
27/3 DAY 7: SAMPO接送後先到SNOW CASTLE參觀再上破冰船, 送返ROVANIEMI後去聖誕老人渡假村CHECK-IN
28/3 DAY 8: 探聖誕老人, HUSKY/REINDEER SAFARI, 搭車北上去KAKSLAUTTANEN HOTEL小木屋CHECK-IN
29/3 DAY 9: 再搭車北上去IVALO既HOTELLI KULTAHIPPU
30/3 DAY 10: STAY IN HOTELLI KULTAHIPPU
31/3 DAY 11: 搭中午機返HELSINKI, 市內閒逛, 晚機返香港
1/4 DAY 12: 下午到香港

由於係HONEYMOON, 我唔想個行程太辛苦, 所以暫時好多野未定, 好多人係芬蘭係由上面玩落黎, 但我調返轉, 因為想先苦後甜呀, 我臨尾個幾日係冇野做架, 哈哈, 應該只係會係酒店玩SAFARI同雪, 夜晚睇極光, 咁先似蜜月架嘛!!