車厘茄結果

好耐冇update種植情況, 我都懶左好多, 前排潮濕我連水都唔係每日淋, 不過有一日望到車厘茄終於結果了, 實在太興奮, 可能失敗過, 所以一見到成功更加開心!

辣椒都出梗第二三條了, 上次個條打邊爐男友整左, 得一條太少, 不過佢話正喎, 哈哈, 係即剪即食, 可能咁佢覺得正卦!

仲有種梗兩棵不知名既菜, 因為唔知係乜, 男友唔敢食, 而家唯有等死!

呢棵係矮種車厘茄, 好細棵架咋~

呢棵係正常品種, 暫時出左一粒茄~

第二三條椒變色中~

有冇人知呢2棵係咩菜?