火險+家居保

終於都忙完一個item, 就係屋企既保險, 話說我地按揭銀行係要我地買火險, 而佢地送左頭一年俾我地, 到最近收到信話就到期, 會自動續保, 保費係$18xx, 我覺得都幾貴呀, 所以就四圍問人火險幾錢!!

其實對保險真係一無所知, 上網睇左幾間銀行同forum, 原來唔係個個都要買火險, 因為好多屋苑本身都已經幫個單位買左, 只係我個屋苑, 剩係買左公眾地方, 所以單位內既火險我地要自己買返!

另一樣係家居保, 恒生又送左半年俾我地, 到呢半年每個月自動扣梗我地$95, 想搞佢好耐喇, 每個月$95又好似幾唔抵, 於是又上網睇埋, 除左匯豐之外, 真係間間都平過佢, 就算新join恒生都唔係呢個價囉, 真係把心一橫要轉晒兩個保險去第二間!

由於時間緊迫, 我又突然好多野要搞, 搵左朋友既媽媽, 佢係做保險, 問左個價都ok, 睇過保既內容其實都差唔多, 只係恒生會多左全球保障, 即係好似旅遊保咁, 我去旅行都會另外買旅遊保, 同埋家居保呢樣野, 真係冇幾何會用到, 所以我都係買最平個隻, 我呢個係$800/年, 平過恒生好多呢!

火險就唔駛$1000/年, 差唔多平恒生一倍呀, 其實保額兩間都係用我按揭額, 點解價錢可以爭咁遠?