係咪我太早搞婚禮呢? facebook既留言, 有幾個人都叫我enjoy last single birthday, 講左n次係出年, 不過都唔解釋得咁多! 講返生日, 放工同男友去左JW Marriott食buffet, 前年佢生日我請佢黎呢度食的, 真係好鍾意呢間, 因為我係海鮮怪+湯怪, 呢度既野完全係我既至愛, 不過太貴了, 所以只可以係d節日先黎, 男友試過都鍾意, 今年係勁難得地(好似係第一次添), 一早諗好黎呢度食再book埋位(呢度係要早好多book位), 唔知係咪我條命係咁, 雖然拍咁多次拖, 但係冇一個男朋友係有心思的, 年年生日都係我自己諗去邊, 今年雖然唔係話有d咩驚喜, 不過佢竟然主動做呢d野, 世界變喇, 哈哈!!
Kiwi問我會唔會今日求婚, 我都話冇架啦, 隻戒指仲係個酒櫃度冇郁過呀, 叮叮叮, 其他bloggers未知咩事, 由於我同男友一齊住的, 有日俾我發現佢收埋左隻求婚戒指, 而我又好低能地即時踢爆左佢, 自此...乜驚喜都冇啦, 我叫佢拎隻戒指去改size, 佢改完之後就一直放係個酒櫃度, 到底想點呢??
佢之前話過會求婚, 俾我踢爆之後, 我都係話你要求婚架, 佢話會啦, 我都諗, 佢求婚日不外乎係我生日, 拍拖紀念日, 佢生日, 情人節咁架啦, 估唔到我生日佢又冇求喎, 但我又唔會催佢, 反正都冇左個驚喜, 我都係要有返少少矜持!
buffet過後, 返左荃灣搞party, 有二十個朋友黎呀, 好開心, 真係好多人錫我, 其實都冇出黎玩好耐了, 年紀咁大仲玩乜鬼, 不過同d朋友好耐冇出黎喇, 用生日呢個藉口出黎聚下都唔錯吖!!
係到再講多次, 生日快樂
ReplyDelete我都係要有返少少矜持>>> 絶對支持, 等下啦, 佢比你踢爆咗, 都要比D時間佢諗下點先有驚喜嘛
[版主回覆05/17/2011 01:07:00]多謝你呀, 頭先又有一個FD問我佢有冇求到婚, 唉...
生日快樂呀~~~~~
ReplyDelete[版主回覆05/17/2011 01:07:00]多謝呀! ^^
咁你放心都得啦, 咁多群眾壓力比佢, 仲更加唔可以求其
ReplyDelete[版主回覆05/17/2011 02:38:00]我FD私底下問我咋! >.<
遲來的生日快樂
ReplyDelete[版主回覆05/17/2011 10:24:00]多謝!
可能佢都諗到妳估佢會生日黎求婚, 所以佢應該會響妳估唔到的時候比個驚喜妳的~ 放心~ 等待係漫長的, 不過當個驚喜黎的時候, 妳會好開心家~ 如果樣樣都估到晒就唔好玩啦, 係唔係? ^^
ReplyDelete[版主回覆05/17/2011 10:44:00]希望係啦! ^^
生日快樂呀!!祝你日日都開開心心!!
ReplyDelete[版主回覆05/17/2011 12:05:00]多謝呀!
生日快樂呀~~遲左~~
ReplyDelete佢可能想比個驚喜你呢......你踢爆左佢,可能佢要重新部署~~HAHA
[版主回覆05/17/2011 13:57:00]多謝, 唔遲唔遲, 我d生日飯食到下星期都仲有得食, 今年多左好多新朋友同我講生日快樂, 好開心呀!!
哈, 我絕對相信佢既求婚唔會用到"部署"呢個字!!
佢應該諗緊計仔喇, 咁你唔好再玩踢爆喎, 哈哈!
ReplyDeleteHappy Birthday again!
[版主回覆05/18/2011 01:10:00] 我幾個朋友都問我做乜上次唔靜雞雞拎左隻戒指佢!
多謝AGAIN! ^^
哎呀... 遲曬tim...... belated happy birthday ^^ 下年就真係要搞個大gei last single bday party喇~~ yeah!!!! (仲要有舞男個隻... 自我幻想中...)
ReplyDelete[版主回覆05/18/2011 18:08:00]唔遲呀, 我當成個月都係架喇, 哈哈!!
bday party佢實會係度啦, 不過可能我d加拿大d表姐返黎會搞bachelorette party, 上年我堂妹結婚有搞過, 落酒吧周圍搵d男人玩遊戲, 真係痴線架!!
佢好明顯等你唔記得隻介子時,再俾驚喜你啦! 你快d忘記隻介子放係酒櫃啦
ReplyDelete仲有遲來的 "生日快樂!!"
[版主回覆05/25/2011 01:29:00]哈哈, 你好努力追梗我BLOG喎, 真係俾面, 多謝晒!!