搵左一輪, 其實間間都差唔多, 我地以回贈最多, 多分行等等去揀, 最後係中銀同恒生之爭, 男友冇中銀戶口, 所以揀左恒生, 佢個個月櫃員機過數就搞掂!
搞掂銀行就等睇樓, 其實真係成交前一星期左右先可以睇, 帶左男友爸媽一齊去, 見到個海好開心呀, 個景真係好得, 呢度本來係2間房, 不過上手業主拆晒變左冇房, 只係用d活動板間左一間房, 好彩間屋冇乜野, 個廚房仲好新添, 不過我唔鍾意個地板, 好似渡假屋個d地板咁, 傢俬方面佢剩左張床, 兩個大櫃, 不過都係木既傢俬, 其實我唔多鍾意, 尤其係床, 因為本身我好想整地台, 但係佢媽媽唔想佢洗咁多錢, 講到係間屋唔駛執就可以搬入黎啦, 男友就話點都要搵人油下, 影左幾張相就走了!
下一篇再講裝修同裝修後!
嘩~ 個海一流呀!! 恭喜恭喜，見到都好戥你歡喜！^^ 我們就無錢買喇，都係租，不過樓都未睇...... 嘻~ 你咁明智，希望到時可以學到你一半~ （我都係個d一睇中即買gei人，不過好多時買完唔使5秒就後悔喇，哈~~）
ReplyDelete[版主回覆05/11/2011 20:44:00]多謝, 其實層樓真係好平, 百幾萬, 而家真係好難搵到二百萬樓下既樓, 而家一年都冇升左三十幾萬, 不過佢升幾多都好, 我地都唔會賣住, 如果唔係無家可歸呀!
你就好la!住方面我仲未諗掂！個景好正！覺得真係唔駛執！不如住多幾年，到時一次大執仲好！不過toilet牆身中間個到做乜？無左d磚既？如果唔鐘意地板就買塊大地毯襯托下遮下！應該都可以！
ReplyDelete[版主回覆05/11/2011 20:46:00]我地諗住呢度會住幾年, 到有小朋友先換樓架喇, 所以最後都俾我說服到男友用最平既方法執左, 下篇會再講, 到時間屋會唔同晒樣!
但唔知個頭交通係咪好唔就腳？
ReplyDelete[版主回覆05/11/2011 23:30:00]其實我覺得OK架, 佢係入深井少少, 但交通就方便過深井, 因為呢度係三架小巴既總站, 反而去到深井就未必會有位, 另外仲有巴士去九龍同過海, 同埋村巴去荃灣MTR, 我好快就習慣左LU!
咁勁?! 仲要用最平方法執左! 勁! 要多多向你學習! 好, 會留意你下一篇文章~
ReplyDelete[版主回覆05/11/2011 23:32:00]哈, 為求目的, 當然要努力啦, 貴既我男友都未必肯整嘛!
真係好正呀~裝修又企理!!
ReplyDelete[版主回覆05/12/2011 12:34:00]剛剛post左新一篇, 雖然佢裝修幾好, 不過我都換晒d野, 哈哈!!
嘩！當日我住珀麗灣都係對住個無敵大海加三橋靚景！ 恭喜你呀！開屋好新淨咁，特別係個廚房，看上去好新呢~~
ReplyDelete[版主回覆05/16/2011 02:24:00]咁你而家係咪仲住珀麗灣? 我都有朋友住個度, 我屋企望佢添架, 其實好近, 但要去佢屋企就要繞個大圈先去到!
no la，我搬了，你可以在我的blog看到我的新居呢~~ (our cozy shelter session)
ReplyDelete