我們的安樂窩(上)

見到好多blog友都有寫新居, 等我又寫下先!

話說我早幾年已經冇同父母住, 先係同阿哥住, 前年再自己一個搬左出黎, 因為我要自由, 我要試下一個人既生活, 由細到大屋企都管得幾嚴, 早幾年仲一齊住個時, 一到十二點就會打黎問我幾時返, 唔止管我, 連我三哥都會管, 仲記得有排失戀, 我癲左咁不停飲酒, 個個weekend同三哥好似鬥夜返同埋鬥醉咁, 諗返都好好笑!

前年自己一個住, budget有限, 所以只能租套房, 由細到大都係住荃灣, 所以揀返熟悉既荃灣區, 感覺會好d, 個陣月租$3700, 一房一廳, 仲有私立廚廁, 當然係好細架啦, 住左一年左右, 預左佢會加租, 而男友就話覺得我咁樣租屋好唔抵, 好似幫人供樓咁, 不如自己買樓好過, 所以就開始留意下d樓了!

四月去完希臘返黎就愛上左對住個海, 男友住開青衣區, 不過青衣d樓一係居屋, 一係好貴既屋苑, 同埋青衣區對住既海都唔係我鍾意既海, 個feel完全唔同! 偶然機會下留意到青龍頭, 其實有個舊同學都係住呢度, 都黎過幾次, d樓仲要好平添, 因為樓齡高同埋係華懋! 男友唔知青龍頭係邊, 一聽就話覺得遠, 不過都肯入黎睇下, 哈哈, 入到黎就愛上喇, 因為個海真係好掂呀!

睇左幾間屋, 我地已經鎖定目標要邊幾座邊幾個單位, 選擇已經唔係好多, 有一日返梗工地產就打黎話有個盤今日先放, 仲未放出市面, 叫我放工去睇左先! 放工同男友即刻仆去, 因為仲租梗俾人, 只可以睇相咋, 係我地想要既單位呀, 個地產講多兩講, 我地就簽左臨時買賣合約, 諗返起個一刻好似俾人迷左咁呀, 哈哈, 買樓好似買菜咁, 冇心理準備下就簽左約!

簽完之後佢話個賣家會趕個租客走, 咁我就可以睇現樓, 仲即時confirm成交日係30 JUL, 我男友係31 JUL生日架, 我地專登揀呢日, 希望成交日拎key後上去過十二點!

個排都有d唔開心, 因為俾好多人話我地傻呀, 樓都冇得睇就話買, 當然我咁大個人唔係低能架啦, 熟我既人都知我係一個精明既消費者, 又點會亂買野呢? 我地會即時買既原因如下:
1. 我地要求既單位選擇係唔多, 難得有一個出現!
2. 因為冇得睇現樓, 所以可以壓價, 比其他同類單位平十萬呀, 我覺得就算間屋有咩問題, 用十萬蚊唔會搞唔掂卦?
3. 個賣家買左呢度兩年都冇, 個陣係重新大裝修過, 新裝修問題唔會好大卦?
4. 個租客過左死約都冇停租, 間屋應該好好住啦!!
5. 個屋苑既單位我地都好熟, 我上網睇個floor plan都睇左好耐, 睇埋d相同我地想像既亦差唔多, 真係唔覺得有咩問題!

查冊後先知其實個賣家真係冇乜錢賺, 因為佢個陣係用左十幾萬裝修, 佢應該係見樓價好所以賣, 真係賺得我地好少錢, anyways, 樓已經買左, 剩落黎就係有排忙喇, 好彩我地買樓同結婚分開搞, 我男友係唔多理野個d人, 如果一齊搞真係會癲!!

之後兩篇都會私有化!!

大家睇相先, 我地就係睇左下面5張相而買架喇, 係咪好似好兒戲咁呢?