我的MUA

講完唔開心既野, 講返D開心既野, 就係終於落實MUA! 之前都講過, 其實我都有個心水, 所以放左佢係四次試妝既最後, 而佢都冇令我失望, 所以我都諗住搵佢了!

等我介紹一下佢先, 佢叫JUNE, 其實唔係好出名架咋, 認識佢係因為上年三哥結婚時三嫂用佢, 而三嫂點解又識佢呢? 就係佢係White Production影Pre-wedding時覺得JUNE好快手, 化得又好, 所以就搵埋佢做big day了!

係我今年再諗住搵佢時, 做下調查啦, 嘗試起佢底, 原來佢之前係做羅浮宮, 用過佢既都讚佢化得好好, 原來White Production既班底都係羅浮宮既人, 開始對佢好有信心, 就約佢試妝了! 星期六佢上黎我屋企試妝, 原來佢而家係W.P只係做part time, 其餘時間都係自己另外接job, 佢冇做任何宣傳架, 全部都係人地介紹, 我打去約佢時佢都有問我係邊個介紹, 可以做到咁真係幾厲害呢!

試妝日用左三個鐘, 佢幫我SET左五個頭, 化妝時間都只係大約一個鐘, 真係好快手, 時間係重要架嘛, 同埋佢真係好有心機, 佢係第一個話返俾我知, 原來我兩隻眼一邊係窄少少, 同埋左邊面係肥少少, 我對住塊鏡好耐先睇到個分別, 佢用左好多時間化我對眼, 仲要係不停叫我望呢度, 望個度, 以唔同角度去睇, 真係第一個MUA可以咁好心機, 唯一一樣有少少唔好, 就係佢SET既頭冇乜驚喜, 可能佢冇乜頭飾帶黎, 不過都OK啦, 起碼佢會就住我既面形同頭形去SET, 解釋返我個頭適合點SET, 原來我紮起反而塊面冇咁肥!

化完後俾左五百蚊試妝費佢, 其實可以即時confirm, 不過落訂要俾一半, 我屋企冇咁多現金呢, 佢話一星期內confirm都可以扣返架喇, 男友都好贊成用佢, 佢話最緊要夠快, 哈哈!

JUNE既收費仲要幾合理, 係$6000跟我全日, 本身我budget都係呢個數, 出面好多平D既四千幾都係早晚, 有D貴既去到八千幾都有, 而佢跟足我一日都係六千, 我覺得可以接受呢!

影左好多相呀, 我仲未知邊個頭適合我呀, 大家俾D意見吖!

第一個頭, 佢話做晚裝, 婚紗或褂頭都得架, 其實我覺得似紮左條馬尾咁!

換左紅色頭飾~

第二個頭

佢問我鍾唔鍾意露頸, 呢張係唔露~

呢張係露, 我真係唔知呢!

第三個頭, 佢話用黎做晚裝或婚紗都得!

新增說明文字

加左頭箍~

第四個頭

第五個頭, 同第四個好似, 其實唔同架, 睇埋最尾個張就知!

我話想試下亂d, 哈哈, 成個癲婆咁!

大家覺得點呢? 佢話個妝到時會唔同D, 視乎返我著咩衫, 不過我對佢既化妝好有信心, 話晒佢都做左11年, 做羅浮宮之前原來仲做過蒙羅麗莎, 我真係剩係少少擔心個頭唔知點SET好咋!