話咁快又搞掂一個ITEM, 就係餅卡喇, 一早都決定買美心西餅, 因為冇限期又多分店, 四處打聽下員工價係$35, 大量買就$36, 本來都搵到個朋友幫我用員工價買, 但係要托上托, 好似都幾麻煩, 咁橋BLOG友豬嘜軒 + 豬兜家搵我一齊買, 除返每張$35.88, 為免佢遲D加價, 都係買左先!
問左媽媽要幾多, 一時又話要好多, 一時又話十張都夠, 仲要計埋俾嫲嫲個D派, 剩左最多賣返出去囉, 所以買左150張, 今晚到手了, 盛惠五千幾, 好痛呀, 不過男友俾錢, 呵呵, 但聞說餅卡係應該女家俾錢的, 因為嫁女派餅嘛, 不過我媽應該都唔會俾架喇, 唯有係我俾, 估唔到男友話佢俾喎, 可能佢見我呢排都洗左好多, 下星期又要去俾二訂了, 個度又要差唔多三萬, 好痛呀!
就算以前D餅卡係女家比$$$...羊毛又係出自羊身上...D阿媽一定話都係O係你D禮金度買...成日都話所有開支都係男家比架~我嫁女買O既金,回禮,餅咪都係用收返黎D禮金度...唉...聽得多真係想死...
ReplyDelete[版主回覆04/21/2011 11:14:00]哈哈, 又係喎, 個個都話禮金一定要夠俾金器!
唔係架餅卡係男家俾架~~ 傳統係過大禮時男家連埋餅卡d禮送去女家~
ReplyDelete[版主回覆04/21/2011 13:01:00]係咩係咩? 咁我都安樂d, 呵呵!
我mummy暗示過家姐結婚時over 10萬ga!! 但我真係唔可以負荷咁多,學你話齋,真係要好耐先儲到10萬。你就好la,已經買咗樓,我仲未買ar!!
ReplyDelete[版主回覆05/03/2011 00:33:00]嘩...你家姐都好富有 = =
係好彩上年上左車, 不過都係平屋黎架咋, 有小朋友又要換樓!