呢間有d特別, 佢話我d頭髮薄, 所以用粟米夾幫我成把頭髮夾一次先, 咁樣會厚d, set頭會好睇d, 呢樣我真係第一次見, 不過...夾左好耐囉, 真係想瞓覺!
講化妝先, 首先我最concern既右眼皮, 佢一開始係睇唔到, 幫我上粉, 個時我都幾失望, 點知到佢搽eye shadow, 就發現左我眼板係有少少唔同喎, 就幫我貼左條好幼既膠紙, 我又即刻對佢有返少少信心, 對眼佢都搞左幾耐, 不過化完出黎好鍾意, 可能佢揀左我鍾意既紫色啦, 唯一唔滿意就係眼睫毛, 佢對假睫毛真係長得好誇張, 我唔太鍾意呢d咁誇張既妝囉, 佢話到時可以揀返對短返d既睫毛喎!
九點幾我男友同佢個fd上到黎等, 佢好奇怪點解咁夜都未搞掂一個造型, 冇計, 佢夾頭真係好耐, 夾完粟米頭再夾曲, 用左好多時間, 到十點佢終於叫做搞掂, 足足用左三粒鐘時間先搞掂個褂look, 雖然係幾好, 我男友都好鍾意, 但真係好耐, 個mua-brenda問我整唔整埋晚裝頭, 佢應該都feel到唔好意思, 我問佢要幾耐, 佢話要半個鐘喎, 我即刻話唔駛了, 佢兩個男人肚餓喇, 好快就走左, 或者佢都知自己係衰左, 卡片都係要我問佢攞先俾我!
落到去食野, 佢地都話就算化到好似李嘉欣咁靚都冇用, 最重要係時間囉, 佢主場都咁慢, 換個頭又話要半粒鐘, 呢d真係冇可能, 最搞笑係開餐一刻我先發現原來頭先佢冇幫我搽唇膏囉!
 |
| 佢夾完粟米頭, d頭髮睇落好旱咁! |
 |
| 其實我真係好憎d眼睫毛叉起晒! |
 |
| 但呢個頭幾特別, 我都ok滿意! |
個掛頭真係幾特別喎, 不過咁攪法, 你個日要幾點起身
ReplyDelete[版主回覆04/20/2011 14:17:00]哈哈, 真係好大問題, 所以想揀佢都難!
不如你攞住呢個頭, 去比下一個MUA, 睇下佢整唔整到
ReplyDelete我好努力咁爭取個日唔好咁早起身, 但我D 姐妹同我講發夢
[版主回覆04/20/2011 14:43:00]哈哈, 我都有咁諗, 好彩出門係9-11, 11點前出到門口就可以, 咁我可以瞓晏d!
我出門時間同你一樣呀, 都係11點前出, 但係當每樣野計番時, 其實都唔係晏幾多
ReplyDelete11點前出門, 敬茶一個鐘, 玩新郎一個鐘, 咁即係9點新朗同兄弟到, 咁你預2個鐘比mua 化, 所以, 至少都係要7點起身.........
[版主回覆04/20/2011 15:24:00]=.=, 玩新郎唔駛咁耐啦, 上次我FD留左20分鐘俾我地玩咋!
咁你幾時回門?
咁你當個一個鐘預理班兄弟例遲
ReplyDelete我要番去睇番先知個回門時間
[版主回覆04/20/2011 15:58:00]哈哈...例遲...好好笑!
時間太耐, 一定唔得啦, 個粧化得幾靚, 個頭set得幾好都冇用ar...
ReplyDelete[版主回覆04/21/2011 01:09:00]係啦, 佢應該自己都知衰, 冇問過我會唔會JOIN, 哈哈!
時間太耐...整一個頭要三個鐘...咁big day果晚....佢可以整到幾多個造型... 好彩你呢次係free....
ReplyDelete[版主回覆04/21/2011 01:10:00]我真係坐到瞓著!
雖然個頭真係好靚...不過時間係一個大問題~
ReplyDelete[版主回覆04/21/2011 12:04:00]其實可以叫佢唔好電粟米頭, 應該可以快d, 但佢之後都冇再搵我, 所以我都唔理了!
其實夾粟米頭真係好耐ga，但整個效果會靚好多. 其實佢明知耗時，用梳幫你叉鬆都得啦~ 眼睫毛呢個問題真的不大啊，下次提提她揀一些號數是自然的，然後修剪就好了.
ReplyDelete[版主回覆04/21/2011 16:06:00]仲有最搞笑佢冇幫我搽唇膏呢, 如果我到最尾都搵唔到, 可能都會搵返佢再試多次唔夾頭囉!
我D 頭髮都係偏軟, 所以都要夾粟米~ 一開始個時就要耐少少去夾~ 不過我個MUA之後轉髮型同妝就好快手~
ReplyDelete[版主回覆04/24/2011 16:05:00]其實我好多頭髮架, 只不過睇落好偏, 琴晚我試左最後一個MUA, CONFIRM架喇! ^^
其實我真係好憎d眼睫毛叉起晒! ------->>> me too!!!!!! but your eyes are really big and beautiful nei~~
ReplyDelete[版主回覆05/16/2011 02:25:00]我都講明好憎, 佢都唔理我 =.=
多謝你讚賞, 其實唔靚架, 好大個黑眼圈!