今晚放工去左博藝會俾二訂, 成三萬蚊呀, 呢排真係倒水咁倒, 律師要俾晒先, mua要俾一半訂, 仲有pre-wedding又要落一萬蚊訂, 真係好痛呀!!
去到博藝會, 佢話有個菜式轉左, 原本我地個menu有節瓜瑤柱圃, 但佢話d瑤柱係日本黎, 所以會冇瑤柱, 改為沙汁蝦球, 每人會有兩隻蝦球, 仲話呢個菜係貴過原先個個, 我地冇蝕底喎, 但我想要瑤柱喎, 不過都冇計啦!
早幾日收到德藝會電話, 佢地終於接受落訂, 不過佢打黎問我個日係星期五, 德藝會又會貴d, 同埋男友唔想煩, 所以都係唔轉了, 今日博藝會又話會裝修4M個lobby, 仲有樓梯個天花會加d靚靚裝飾, 總之一定仲靚d, 咁我地都開心返, 大約五六月會搞掂, 叫我地到時打俾佢, 如果ok可以上黎睇下喎!
俾完訂走左, 我地先記得未拎coupon呀, 下次黎一定要記得呀, 不過d coupon除左租車同monalisa, 其他都好似冇咩用!
聽日拎絲花球同埋可以接返d龜返屋企喇, 好期待呀, 到時再post相, 不過會私有化呢!
''呢排真係倒水咁倒'', 贊成...
ReplyDelete都唔係ga,d coupon入面有奇華8折,唔使等佢擺婚展時先可以買
ReplyDeleteE~ 博藝會轉左菜咩? 佢無打比我同我講WO~
ReplyDelete不過佢裝修下對我地都有好處, 因為一定會新D同靚D~ HAHAHAH~
[版主回覆05/05/2011 16:56:00]係呀, 佢都冇打俾我, 只係俾二訂時佢先講咋!
你book左邊個廳呀?我book左帝皇廳呀~
ReplyDelete[版主回覆06/22/2011 17:34:00]我book左4M呀!
hi~我都訂咗4m呀!! 正呀, 4m會裝修, 咁個台會唔會裝修埋呢? 好期待呀~ 大家分享下~
ReplyDelete