2016 入院生B - 第四天

2016年9月4日

今日第4日, 聽日出得院了, 同家姐一樣, 又係第四日要照燈, 好彩揀左港安生, 照燈唔駛另外加錢!

今日係投票日, 好無奈冇得去投, 老公就帶埋個女去投票, 仲好招積影相我睇, 好唔抵得!

終於有朋友黎探我, 又幫我地影左全家幅, 叫做好少少, 另外開始上奶了, 係好突然, 妹妹又唔太識啜, 我又唔識手擠, 最後叫老公帶個奶泵黎!

泵左一陣都唔太出, 有個KIWI姑娘上胎已經係度, 估唔到佢認得我, 我同佢講好痛好辛苦, 原來佢學過催乳, 之後佢幫我推左半個鐘, 終於推到D出黎, 不過真係好好好痛, 老公望到自己都好驚咁, 哈哈!

結果成晚都痛, 不停泵, 泵左2次終於都叫舒服晒, 我開頭諗住用針筒餵人奶, 但醫院話用針筒餵要$100日, 好搵笨呀, 最後都係用奶樽, 因為都搞到半夜四點幾, 頂唔順放低俾姑娘幫我餵, 希望唔會浪費我既黃金初乳啦!