2016 入院生B - 第三天

2016年9月3日

今日都一樣, 老公晨早拎鮑魚粥俾我, 之後返去湊女, 而我都好準時去餵奶, 依然係未上奶呢, 又話第二胎早D既?

午餐晚餐一樣, 媽媽送飯俾我, 今日工人姐姐黎探我, 幫我地影左全家幅, 不過妹妹係隔住玻璃, 所以影得好差, 唯有等出院再影!

家姐黎襯醫院都好開心, 好似去左遊樂場咁, 見到妹妹都未知咩事, 不過知知地我個肚唔見左, 希望佢唔會呷醋同愛錫妹妹!

今日第一次見到妹妹笑, 開眼, 仲有大喊, 雖然已經第二次做媽媽, 但仍然感覺新奇同興奮, 如果發左達, 我真係會考慮生第三個!😰