湊女生活 - 一年了!

阿女終於一歲喇, 時間真係好快呢!

舊年仲係個肚度, 今年已經走來走去了!

一年前後, 哈哈!

呢個月參加左舊同事仔仔既生日會, 去左ISQUARE玩, 呢個場好正呀, 阿女第一次參加生日會, 亦係第一次去玩, 玩得好開心呢, 不過我地覺得好貴, 所以要多謝舊同事既邀請!

最初仲驚佢話滑梯會驚, 原來係會好開心!

開心得佢呢!

除左室內既PLAYHOUSE, 我地仲有帶佢去公園, 不過佢太細個喇, 都係未可以自己玩, 都係俾佢周圍行下, 室內同室外場, 都有個大問題, 就係會俾大過佢既小朋友恰, 所以真係要睇到實!

為左令佢坐定定, 我地而家仲會播電視佢睇, 阿嫂俾左堆WORLD FAMILY碟我, 佢成套要幾萬蚊架, 雖然話2歲前唔好睇電視, 但佢真係太痴身了, 套WORLD FAMILY威力亦好大, 佢真係可以坐定定睇, 平時我地大人節目佢係冇咩興趣架! 

睇到定晒!

阿女切左3個蛋糕, 一個係6299買既, 一個係我屋企買既, 另一個係我老公買, 當然我老公買既最CHEAP啦, 哈哈, 因為生日正日我地要出全日街, 所以是但買個蛋糕仔叫有得切下開心下就算!

我屋企買既蛋糕係最靚

呢張相影得佢好大個呀!

唔少得參加左大型既930生日會, 都幾開心, 阿女仲好招積係個場四圍行, 原來真係得3-4個同日生日既朋友仔識行, 不過每個小朋友發展唔同, 最緊要大家都健康快樂!

少有的全家福

傻豬望住自己笑

呢個月阿女發展差唔多, 識拍手, 拜拜, HI, 攞星星餅, 麵包放入口, 又會餵我地食, 識俾野我地, 之後自己拍手好野, 哈哈, 而我亦第一次自己焗麵包俾佢, 自己焗健康好多, 落少D糖, 又冇落蛋, 阿女開始左食蛋白, 所以我下個月開始都會落返雞蛋了!

出街食飯我地都越黎越懶, 以前又滾水又奶樽, 搞到個袋好重, 之後開始係一個暖壼裝住粥, 再加隻SPOON, 輕返少少, 而家懶到只係帶鉸剪碗同SPOON, 跟我地食街外野算, 身邊D朋友話我地咁快俾佢食街外野, 其實我又覺得唔需要太緊張, 佢地開始大個, 都要學下做正常人, 唔可以太過保護, 同埋一餐半餐街外野食, 我地亦會盡量避免有汁既食物, 暫時黎講都冇咩問題!

再UPDATE下自己近況, 我又轉左工喇, 新工仲新左, 係荃灣, 仲要係勁準時放工, 一直好想轉行, 呢份工都叫做轉左, 公司好好, 老板係瑞士人, 好NICE, 但係份工就冇咩自由, 好多網上唔到, 搞到我要加大個上網PLAN睇住個CAM, 好懷念以前自由既日子!

新工其實都唔太適應, 覺得唔適合自己, 所以我又想轉了, 如果呢兩個月搵唔到新就等生多個先轉了, 因為呢度產假係FULL PAY架, 哈哈!

其實目標係想轉HR, 但冇經驗始終難入行, 唯有等讀完個HR ADVANCED DIP睇下有冇機轉啦!