湊女生活 - 十個月

又遲左寫BLOG, 因為七月發生好多事, 好忙, 黎梗應該會更忙, 希望會抽到時間繼續寫, 紀錄一下阿女既生長情況!

踏入十個月, BB發展依然咁快, 係9-10個月期間, 唔駛扶野已經行到3步左右, 終於都爆出2隻牙仔, 不過比想像中好, 冇發燒又冇話痕到發癲咁!

俾條哈蜜瓜佢當手指餅食

呢個月阿女仲見返陪月, 估唔到平時佢唔多俾陌生人抱, 又會肯俾陪月抱喎, 唔通真係會認得既?

帶阿女去返我地結婚擺酒既地方

另外阿女非常活躍, 對腳不停踢, 仲會擒梳化, 真係成個男仔咁呀!

呢個月仲帶左阿女去游水, 其實我真係唔鍾意陽光海灘, 又唔識游水, 不過為左個女可以玩下水, 就去樓下會所泳池玩下啦! 佢好開心呀, 可能性格真係遺傳爸爸, 又鍾意玩水又鍾意踢波咁!

食野方面都好好, 開始俾爛飯佢食, 出街都會俾我地食既野佢試下, 開始帶把鉸剪同食具出街隨時要預埋佢個份, 唔駛再帶奶喇!

平日跟工人就係兩固三奶, 如果放假跟我地主要係早晚先食奶, 中間係會2-3固, 終於可以自己攞樽飲奶, 俾支奶佢自己飲, 我地又舒服左喇!

阿女都好鍾意自拍架, 望到鏡頭會笑