呢個二月我地帶左阿女去AIA嘉年華, 不過帶住佢, 我地真係乜都唔玩得, 只係玩左個迴旋木馬, 仲要係冇得坐上馬, 剩係坐側邊既車!
之後有仲情人節同新年, 所以阿女多左出街! 情人節我地例牌唔出去俾人掠水, 係屋企煮大餐, 老公多左個小情人一齊過, 好開心呢!
新年出左去幾日, 不過阿女而家好扭計, 出到街成日爆喊, 連奶咀都搞唔掂, 要哄好耐先收聲, 但一有少少刺激又喊過, 真係搞佢唔掂, 已經唔係之前任抱唔嬲既BB喇!
而呢個月面對最大問題就係佢D皮膚, 因為佢塊面好紅, 雖然個個都話似濕疹, 但我都覺得唔係, 一來唔覺佢痕, 二來佢係時好時唔好, 同埋佢成日玩口水, 成手口水再捽塊面, 所以幫佢搽幾多野都冇用, 最好就綁住佢對手!
最慘就係一出街, 親戚朋友不停俾意見, BB一喊又話係佢塊面痕所以喊, 如果係塊面痕又會返到屋企冇事既? 真係煩到我唔想再出街!
至於每日時間表, 同上個月都差不多, 每日不停泵奶, 不過泵少左放工返屋企個轉了, 每日4次左右, 其實都好辛苦, 奶又唔係多, 真係好想放棄!
好快踏入半歲, 開始食固體, 仲會係台灣過半歲生日, 好期待呢!
 |
| 情人節晚餐 |
 |
| 搵朋友幫我拮左幾個頭夾, 夾完頭女仔好多呢! |
 |
| 上左我公司逗利是, 逗左成千幾蚊, 大豐收呢! (佢有酒粒架!) |
No comments:
Post a Comment