清胎毒

2014年8月4日  30w

話咁快七個半月了, 老公一直催我清胎毒, 因為懷孕期間我冇戒過口, 仲成日麥記, 薯片等等, 佢覺得我好毒, 所以叫我早d清, 哈哈!

因為有妊娠糖尿, 唔可以食咁多糖水, 白蓮鬚又唔係人人食得, 最後我決定睇中醫, 寧願食中葯好過自己估估下食乜清胎毒! 雖然有人話食中葯會令bb皮膚黑, 不過我自己就唔多信, 我同老公皮膚都係白底, 我諗bb唔會黑得去邊卦, 如果真係既, 唯有.......接受現實!

book左今晚睇, 中醫話我胎脈好好, 同埋佢話我唔係好毒, 反而係濕重, 一切都好好, 仲叫我唔駛個個星期黎, 開三劑俾我隔日飲, 再每兩個星期黎睇一次就得!

聽完後同老公都好開心, 最估唔到係今次d中葯一d都唔苦, 希望bb出世皮膚又白又滑啦!