日期係7月22日, 地點科學館, 因為呢排真係參加太多講座, 老公今晚要踢波, 所以我叫佢唔駛陪我了, 第一次自己參加呢!
夜晚7:45先開始, 好夜呀, 內容係嬰幼兒常見問題, 兒童健康及嬰幼兒營養, 同埋育嬰示範!
頭part係兒科醫生講, 由於個場好好坐, 好似戲院咁, 聽到我恰眼瞓, 哈哈, 不過內容係有用既, 講bb發燒, 常見既皮膚病呀等等, 呢個topic我冇聽過呢!
呢part完左都差唔多8:35, 好多人已經走了, 第二part講營養, 其實都悶悶地, 都係主要介紹人奶好處, 仲有講飲益力多係好既, 因為益生菌對身體好好!
去到呢度, 已經走左1/4人, 最後育嬰示範, 老豆話踢完波黎搵我了, 所以......我都早走埋一份, 哈, 反正呢d示範我都睇過無數次!
禮品方面呢, 就非常豐富, 有尿片8片x2, 仲有包細既濕紙巾, 沖涼試用, 同埋幼兒食品, 個袋仲幾得意!!
No comments:
Post a Comment