第二次政府產檢 - QE見醫生

2014年5月14日  18W2D

今日既政府產檢, 都知道只會聽BB心跳, 不過老公要清假, 所以照請假陪我去!

預約10:30, 但我地遲到, 10:50先到, 見到好多人呀, 坐左八成人左右, 都預左會有排等了!

今日係要帶小便黎, 一黎到就有姑娘俾兩張試紙我叫我放入小便度, 原來係驗蛋白同尿糖, 好彩冇問題!

之後就係量血壓同磅重, 我比起10W時重左2.5KG, 唔知算唔算正常!

坐左10分鐘左右, 就叫左我入護士站, 原來係聽返之前既驗血同唐氏報告, 一切正常, 婚前檢查我血紅素係唔夠高, 感恩今次終於高返, 不過個數據都係剛剛合格!

護士再講埋之後既流程係點, 俾左張卡我隨身帶住, 有咩事攞住張卡可以直上醫院產房!

出返黎再等多半個鐘左右就叫我了, 比我想像中快, 去到醫生房, 首先係聽心跳, 之後摸下胸, 佢問我會唔會餵人奶, 我話會試下, 佢就鼓勵我要加油, 人奶對bb好!

之後就問幾句, 佢話會轉我去健康院檢查, 叫左老公出房, 我就去護士站等搞文件!

有幾個健康院可以選, 最後我選了最近既西九龍, 姑娘俾晒D文件我, 6月26日就第一次去健康院檢了, 咁我黎梗只有結構同飲糖水先再返黎QE!

搞掂晒就走得了, 成個過程大約個半鐘, 真係比我想像中算快呢!!