又因為愛上燉湯, 就開始買d基本湯料返黎, 例如淮山, 杞子, 圓肉, 南北杏等等!
前排盞記$50一磅急凍螺頭, 所以我又買左2磅返黎試下, 不過燉過一次覺得冇乜味, 反而煲湯係出味d!!
好姊妹知我愛上燉湯, 就俾左少少乾螺頭我試, 適逢阿哥冇飯食, 佢就提議我燉個佛跳牆!!
佛跳牆有好多料, 但個個食譜都唔同, 我就揀d自己會食既野黎煮:
淮山, 杞子, 圓肉, 螺頭, 花膠, 海參(cheap野), 鮮鮑魚(阿哥專登去街市買), 豬展, 雞(因為買唔切, 我落左微量雞湯代替), 金華火腿(阿哥上海買返黎), 乾瑤柱
網上睇話要燉八個鐘, 不過我燉唔切, 最後燉左4個零鐘咋, 可能有雞湯同金華火腿, 連鹽都唔駛落就好勁味喇!!
由於我煮梗餸唔得閒, 佢地又太心急飲個湯, 所以冇影到相, 嗚嗚!!
呢餐飯係我第一次煮俾阿媽同阿哥, 佢地都大讚呀, 下次再燉, 我會加埋素翅同用真雞!!
 |
| 料多過湯呀!! |
