$215有一包魚肚, 一罐鮑汁螺片, 一盒即食鮑魚(5隻)
其實係之前短租個陣已經買落, 但個時我地冇乜煮野, 因為好多用具仲係箱冇拆出黎, 到搬左入黎執好晒都有一段時間先開始煮, 望一望原來包魚肚2014年1月就到期, 所以煮左先!
魚肚.....正常都係整粟米魚肚羮, 但老公又麻麻地, 咁就上網搵食譜, 整左呢個類似百花釀魚肚出黎!
做法係蝦膠+免治豬肉搞埋一齊, 之後鋪係魚肚上再蒸, 再係面淋d汁就搞掂, 聽落容易但係最花時間係鋪肉上魚肚面, 仲要係碟上排得靚靚, 完全做手工一樣, 不過整完出黎老公係咁讚, 仲食晒成大碟!
咁大包魚肚, 我整過兩次呢個百花魚肚, 仲有一次係粟米魚肚羮, 佢唔鍾意我鍾意丫嘛, 點都要整一次架喇, 哈哈!
再之後整既係螺片, 有次唔知整乜餸就整左佢, 開罐後係咁易加d蒜頭爆下, 由於我係淋係娃娃菜面, 所以再加左少少汁!
最後當然最貴既鮑魚啦, 係12月26日就整左, 呢一日係我第一次煮飯俾阿媽同阿哥食, 見咁多人就開左佢, 呢個真係加熱就食得, 非常簡單!!
如果下次再有呢個團購, 我會考慮再買, 不過唔想煮魚肚呀, 處理魚肚太煩了, 唔知點解我整極都去唔到佢d油益味, 激死人!
No comments:
Post a Comment