純美新娘功課+大日子花絮

始終會post太多相, 有好多人係度, 所以係度開一篇post, 有add先會睇到!

呢d係小寶既相:

我屋企全家幅, 真係難得齊人呢!

好喜歡架倫敦的士, 仲有我喜歡既羽毛裝飾!

簽賣身契既時候, 老公笑到....

兄弟姊妹大合照~

開餐喇~

敬酒了~

我覺得呢張好好笑呀!!

我同三個阿哥, 有朋友話我地四個完全唔似樣!

以下係ivan既相:

幾鍾意呢張, 手花同茶杯好襯!

邊個話新娘結婚當日要捱餓? 我一早就個麥記早餐了!!

果欄相, 我真係唔多識欣賞!

似唔似拍梗女版古惑仔? 男仔個邊仲似呀, 我都費事post出黎!

婚後評價 - 純美新娘

純美新娘 - 7分

當初選純美新娘, 因為價錢平, 而且老公認識老細, 我地對攝影公司又冇咩要求, 一直抱住個心態係: 第時都唔會再睇d相架啦!! 所以我地就揀左佢!

網上評價唔錯的, 尤其係小寶, 所以我地好早就book左小寶, 其後聽聞ivan又不錯, 喜歡玩飛燈, 就揀左佢兩個, 而video就純美俾我地的!

婚前既service例如成長片, 送既banner, 都冇乜問題, 佢地會sms黎叫你準備好就上去!

到婚前兩日, 我打去問小寶可唔可以外影去1881, 佢話冇問題, 到時夾一夾就得, 到結婚當日我先知原來外影係ivan, 而佢....最鍾意叫人影果欄, 其實我真係唔願意架, 一來我影過, 二來離酒樓比較遠, 但佢不停係度sell自己影果欄有幾掂, 如果我堅持1881, 真係怕佢之後既時間亂咁影俾我, 唯有就範!

除左呢度, 其他都冇乜問題, 睇得出佢地都幾勤力, ivan仲影到成身汗, 有聽聞過videoman steven唔好禮貌, 當日我真係太忙, 留意唔到!!

Steven (Video):
大約個半月有相了, 上到去先知原來得video同小寶既相, video共1.5小時, 比我想像中少呢, 真係只拍到個半鐘嗎? 質素還可以啦, 反正我冇乜要求!

小寶 (standard):
老實說, 冇驚喜, 不過佢真係交足功課, 竟然有三千幾張相, 一共分左六隻碟俾我, 當然有好多相係相同, 好處係驚有人眨眼, 都有後備嘛, 壞處就係睇相同揀相時真係好鬼辛苦, 至於質素, 都係還可以啦, 只能說交到功課!

Ivan (snap):
除左上面講snap地點, 仲有係佢既飛燈, 其實我真係唔太識欣賞, 果欄既相可以話幾失望, 枉我地塞住車都要去個度, 仲要俾小巴加鐘, 真係有少少嬲! 不過ivan都有二千幾張相, 又係叫做交到功課, 佢影物件既相係唔錯既, 睇得出佢有放心機點樣擺d野黎影, 某d相小寶影既角度麻麻, 佢既角度會好d, 真係好彩係我有搵多個攝影師呢!!

其實我好想俾6分, 不過見佢地真係交晒功課, total成六千張相, 我問晒所有人都冇人有咁多相!! 總括黎講, 如果冇乜要求, 只係想以平價錢搵間公司幫你紀錄一下, 佢地係揀得過, 七千幾2P1V(結果我收到六千張相+個半鐘既片), 包成長片, 仲有個超大banner(當晚好多人影個banner), 真係算抵到爛!!

相片將會係另一篇私有化!!

北歐蜜月之旅-google map

終於都叫做搞掂晒行程, 睇交通路線, 無聊的我仲用左幾日時間google map行左次認下路, 真係幾好玩, 又睇到d地方要步行時間, 搭車時間等等!

有d路程睇落好似好遠咁, 但佢寫十幾分鐘, 搞到我d質疑, 就用左香港路線黎測試, 用我經常性行既由尖沙咀廣東道行去佐敦, 結果係20分鐘, 又幾準喎, 我係要20分鐘, 但係急步行囉, 所以都係要預返鬆少少時間!!

呢個係冰島會去既景點!

呢個係挪威路線

最後到芬蘭

北歐蜜月之旅-暫定芬蘭行程

最後一站係芬蘭, 主要tour都join了, 暫定行程如下:

離開BERGEN, 搭飛機去OSLO再去HELSINKI, 黃昏到達後就搭巴士去火車站, 附近搵晚飯食完就搭通宵火車去ROVANIEMI!

到達ROVANIEMI後酒店CHECK-IN, 市中心內閒逛, 想去極地博物館, 未知會唔會入場, 另外會去出名既全球最北麥記!

第二日JOIN了SAMPO既SNOW CASTLE+破冰船, 我冇去KEMI住, 所以揀左呢個由ROVANIEMI出發既tour, 去足一日呀, 六點先會返到ROVANIEMI, 之後就搭巴士聖誕老人渡假村check-in!

呢度手信鋪收十點, 諗住買定d post cards夜晚係房寫定, 第二朝唔駛浪費太多時間, 另外四圍逛下, 係房焗下sauna!

第三日起身早餐後搵聖誕老人, 趁d人未到要一開門就去, 免得排長龍, 之後逛下商店, 有時下逛埋鹿場, 之後搭中午巴士去KAKSLAUTTANEN!

check-in後四圍行下, 睇下人家既玻璃屋等等, 是晚係hea架咋, 又係浸下sauna咁啦, 希望有緣睇到北極光!

第四日起身後早餐, 再check-out, 帶埋行李call的士去LUONTO-LOMAT既office, 呢度我book左"SNOWMOBILE SAFARI TO REINDEER YARD", 本來唔想玩snowmobile, 我好驚炒車冇錢賠, 不過老公好想玩, 所以就揀了呢個, 仲可以試下坐鹿車, 聽聞一般, 所以有得試下就算!

玩完後係SAARISELKA附近搵食, 之後搭三點幾巴士去IVALO, 係酒店check-in後又係hea既時候, sauna+北極光!

第五日起身早餐, 要轉細房, 之後就搭的士去GUESTHOUSE HUSKY, 本來想book呢度住, 但一早full了, 就book呢度既HUSKY SAFARI, 揀左4HR連埋LUNCH, 其實我好驚狗架, 真係好驚, 不過老公好鍾意, 我真係好偉大呀, 咁都肯陪佢癲, 不過咁, 我諗住到時都包到粽咁, 應該有安全感D既!

玩完狗狗後睇情況決定, 可能會租滑雪用品玩陣先返去, 夜晚依然係hea, 同埋要執行李回程喇!!

第六日起身早餐後的士去機場, 返HELSINKI後係機場寄存行李再搭巴士出市中心閒逛一日, 夜晚九點左右就返機場搭飛機返香港了!

北歐蜜月之旅-簡單挪威行程

本來我地唔諗住去挪威, 但係冰島回程又經過挪威, 又聽聞有個地方好靚, 而個地方名仲要係同我公司一樣, 所以我地決定去一去!

呢個地方就係叫BERGEN, 記得之前睇過電視謝安琪去過, 個漁市場好吸引架, 所以我地叫做專登去漁市場, 同埋去D木屋影下相就算!!

挪威真係一個食錢地方, 乜都貴, 所以此地不宜久留呢!!

冰島下一站就係呢度, 暫定行程係到埗後去漁市場醫肚, 之後BRYGGEN木屋影相, 四圍逛, 呢度好細, 所以我冇乜點plan, 到時執生啦!

北歐蜜月之旅-準備篇

仲有兩星期就出發, 剩係準備既野都唔少, 真係未出發先出血!!

要買一堆保暖物品, 但名牌實在太貴, 所以要向平價貨品入手, 上網睇都幾多人介紹花園街威記買雪褲, 於是同老公又走去望下!

雪褲睇落唔錯, 諗住買既時候, 見到斜對面有另一間, 仲有傳單寫住有樓上鋪, 除左雪褲仲有其他野買, 就走左上去睇了!!

樓上鋪真係乜都有, 仲有試身室, 我地係度玩左好耐, 呢度d牌子好多都係外國架, 而雪褲係貴過威記少少, 但質料好好多呢, 起碼唔似國產先, 試左上身仲即時覺得好熱, 應該好保暖卦!!

係度玩左好耐, 最後當然出埋血, 老細好好人呀, 知我地去北歐honeymoon, 送左兩條頸巾俾我地做結婚禮物, 呢度價就冇得講架喇, 佢肯送野真係開心, 我地仲買左goggles, 真係扭都唔會爛, 好明顯係正貨!!

係度放低左$26xx銀両, 有d乜野呢??

雪褲3條 (我1條, 老公2條)
goggles 2副
雪手套 2對
長羽絨一件 (係我睇中既, 只係$300咋, 我又冇長羽絨, 所以買左)
長防水外套 (老公的, 個款好靚, 我好鍾意)
頭笠 2個
頸巾 2條 (送的)

其實我覺得以質素黎講呢間樓上鋪真係幾好, 大家有興趣去望下, 老細話架, 試下之嘛, 又唔駛錢!

除左呢度出血, 另外仲有買左以下物品:
1. 雪靴 (我買了1短1長, 老公買了1對columbia)
2. 背包 (一人一個, 到時出街用背包方便d)
3. 放濕機 (我好易流鼻血, 上次一到日本即乾到血流如注, 呢幾日香港乾少少我都有血絲, 屋企開左放濕機好好多, 所以買埋旅行裝帶去用)
4. 保溫杯 (一人一個, 係情侶款, 有blogger教我地朝早沖定熱飲帶出街, 一黎慳返買水錢, 二黎有熱飲落肚好正呢)


一切準備就緒, 又要繼續忙plan行程喇!!

北歐蜜月之旅-酒店篇

由於我係較遲準備, 只有兩個月時間, 所以好多野都貴, 仲有係冇位, 尤其係酒店房, 所以各位記得預早半年搞, 起碼冇咁貴先!!

首先第一站冰島, 會留4日3夜, 所以我book左3晚都係Apartment K, 其實冰島選擇都幾多, 而且唔貴, 我就揀左apartment住, 可以煮野食嘛!!

較為出名既reykjavik4you冇房了, 仲有幾間心水, 最後都係揀apartment k, 一來起碼我識讀先, 冰島d外星文真係好多唔識讀, 二來係好似都幾多人讚, 仲有房都幾靚, 又有wifi, 價錢仲好抵, 我三晚deluxe studio只係EUR207咋!!

呢幾張官網既相, 唔知個廁所係咪真係咁靚呢?

第二站挪威, 其實只會留2日1夜bergen, 所以酒店係揀平為主, 有d真係可以好平, 但要shared room and toilet, 我又唔想honeymoon咁慘, 有間叫citybox都好平好靚, 但要自助check-in, 有唔少bad comment, 所以揀左basic hotel bergen, 傳統酒店房既樣, 本身係book左economy double room, 間房細d, 價錢係NOK795, 之後佢email話知我honeymoon, 所以俾間正常double room我, 仲教埋我搭車, service好好呀, 暫時得呢間酒店有免費upgrade咋!!

第三個國家係芬蘭, 呢度我會去幾個地方, 首先係rovaniemi, 好多人都會揀火車站對面既guesthouse borealis, 本來都心郁郁架, 但我除左到埗係搭火車, 之後都唔會經火車站, 所以就揀返市中心了, 呢度d酒店好貴呀, 間間都過千, 但係只係好舊式既酒店咋喎, 周旋係sokos同cumulus呢兩間中, 地點相近, cumulus平d, sokos就有wifi, 我最後都係揀左sokos, EUR135, 係房有得上網好緊要架, 同埋呢間行去SAMPO集合地點超近, 過條馬路就係, 仲有巴士站係隔離!

睇相我真係覺得好肉酸, 全程最唔抵既一晚酒店!

之後既兩晚都係住最靚既酒店, 首先係santa claus holiday village hotel, 係成間小木屋呀, 仲要唔算貴(比起上一間), EUR149, 如果唔係要遷就之前一日一早起身玩破冰船, 我都會揀住兩晚呢度, 呢度係我成個trip第一間book既酒店黎架, 因為我想要個晚得返一間房咋, 所以乜都唔理, book左先算!!

呢度真係好好feel, 仲有獨立sauna房!

聖誕老人村後, 下間就係全程最貴既酒店, 亦係芬蘭最出名個間kakslauttanen hotel, 不過我唔係住玻璃屋, 係住小木屋, EUR254, 我覺得好貴呀, 但老公又話想試下, 所以又豪一豪, 我地好期待架, 仲希望呢度會睇到北極光!!

呢度真係好童話, 不過唔知住落恐唔恐怖既呢?

去到最尾兩晚, 已經係復活節, 原來冇乜房揀了, 真係有d擔心, 最後揀左hotelli kultahippu, 因為可以用agoda積分, 而且唔算貴, 不過尾二個晚有mini suite住, 有獨立sauna, 但最尾個晚冇呀, 得普通cosy room, 所以到時要大房轉細房, mini suite用左積分HKD1016.32, cosy room正價HKD1107.43

呢間係cosy room!

呢間係mini suite

同場加影埋, 有一晚會瞓既火車, 有床有廁所, 可以沖涼, 仲有wifi添, 不過真係好細間, 又係老公要求, 不過我都有少少期待既, 因為我平時搭車瞓到豬咁架, 哈哈!