Guam+Tokyo之旅 Day 5 (23/1)

話咁快就最後一日喇, 今日係咁多日以黎最遲起身, 但老公就一早出去搞NEX劃位, 仲偷偷地去左食蕎麥麵, 返黎九點幾先叫我起身!

執好晒野CHECK-OUT同寄存行李後, 我地就出去搵食了, 最後一餐都係拉麵, 去左無敵家, 其實香港都有, 不過唔止食拉麵, 仲有其他野食, 好似唔一樣咁, 唔敢試呢!!

無敵家拉麵都好正呀, 老公叫沾麵, 佢好鍾意食呀, 呢度仲有茶供應添呀, 我本人一向麻麻地飲水, 嫌冇味丫嘛, 有茶真係好正呢!!

早餐無敵家, 好好彩唔駛等, 一坐低出面就開始排隊~

食飽後行左陣, 呢度有罐粟米汁好好味, 係飲品機度賣, 仲係熱飲, 凍冰冰天氣買罐飲感覺好爽, 所以我地臨走都買左罐!!

呢個粟米汁好掂, 仲有粟米粒架!

老公行行下先話我知佢今朝去左食蕎麥麵, 俾我話佢獨食, 結果.....我地好變態咁, 食多餐, 哈哈, 不過係兩個人食一碗, 好彩份量唔算好多!!

老公一朝去兩次食蕎麥麵

好喇, 真係食到好飽喇, 返酒店拎埋行李去搭車了!!

我地去程只係一個24寸行李箱+一個backpack, 加埋20kg, 點知走個陣個行李箱要加闊, 仲加多一個大蝴蝶袋(我專登帶黎裝手信)同埋一箱蟹同卡樂B, 多左十幾KG, 老公好勁呀, 一個人拎晒d野, 我話幫佢都唔駛, 感覺好幸福!!

返到香港, 新婚夫婦(關島結婚個對)黎接我地機, 仲車我地去青衣99屋企接返3籠倉鼠先再車我地返屋企, 唔該晒佢地呢!!