話咁快就要離開關島, 我地揀左搭早機去日本, 半夜四點幾就要起身了, 搭的士去機場, 都幾多人呢!!
 |
| 係關島機場買左最後一包既白色椰子味m&m |
坐去日本既機係大機, 感覺舒服d! 去到日本仲係朝早咋, 我地買左NEX+SUICA後就坐NEX去池袋, 好彩meet到去池袋班車, 唔駛去新宿轉!!
 |
| 我地到日本喇! |
 |
| 仲有積雪呢~ |
我地揀左b hotel, 地點好方便, 之前已google map過, 所以好快就搵到, 一出站行幾分鐘就到, 天氣比我想像中冇咁凍!
去到酒店未有房, 寄存行李後就出去搵食了, 老公問人借左旅遊書, 去左附近大勝軒食沾麵, 其實我覺得同香港差不多, 而家香港好多拉麵鋪都做到日本既水準架喇, 尤其係ramen champion, 真係好掂!!
 |
| 黎到日本既第一餐~ |
食飽飽周圍行, 今次日本之旅係我老公負責plan行程架, 真係好難得呢, 佢仲專業到用excel打晒每日幾點去邊, 好好笑!!
夠鐘拎房喇, 其實預左房細, 但比我想像中好喎, 而且超級新, 花灑仲有按摩添, 好正, 朋友幫我book只係16000yen兩晚, 以地點同新舊程度計, 好抵!!
拎房後又要出去了, 下站係去新宿行街, 好多朋友叫我地買野呀, 所以都係買左先, 我地兩個都唔係shopping既人, 所以都冇咩買到俾自己!
 |
| 到達新宿~ |
行完街就去食蟹喇, 老公同事介紹, 其實香港都有, 不過日本正d喎, 咁就試下啦, 點知佢冇拎地址, 只係得大約位置, 結果搵左好耐呀!!
上到去環境唔錯, 好多蟹, 連d食具都有蟹, 好得意! 本來想叫餐架, 但又唔係樣樣有興趣, 最後決定散叫, 好食再encore!!
d野食陸續送到, 蟹羔, 刺身, 炭燒, shabu shabu, 樣樣都好正, 不過係唔飽囉, 都冇問題既, 唔飽咪繼續食囉, 哈哈, 我地兩個唯一共同嗜好就係食!!
 |
| 好正既蟹棒呢~ |
 |
| 好掛住d蟹呀! |
食完行多陣就返去了, 佢話今晚落街食宵夜喎, 真係痴左線, 因為我地已經係超市買左兩盒刺身諗住宵夜架!!
 |
| 宵夜part1 |
到大約十一點幾, 我地落街行, 其實都幾多野食呀, 樓下仲有間博多天神, 就入左去食喇, 好好味呢, 不過蛋就麻麻喇!!
食飽飽要返酒店了, 明天仲要早起呢!!
 |
| 宵夜part 2 |
No comments:
Post a Comment