婚後評價 - MC Alvin

MC Alvin - 6.5分

今次要講既係MC, 之前有提過搵Alvin既經過, 其實我都冇太大期望, 因為佢真係收好平, 而我地亦出過黎兩次, 都幾好傾, 佢亦幾幫手, 會幫我睇rundown, 俾下意見, 提下我野咁!!

到big day當日, 我忙到爆炸, 基本上冇乜同Alvin講過野, 剩係記得我好炆親戚飲茶慢吞吞既時候佢有黎安慰過我, 而飲宴上佢做MC做成點我真係唔知, 所以只係可以問返朋友!!

而幾位朋友都覺得麻麻, 因為佢有點over了, 最多人投訴係播成長片段時, 正路係大家細心睇, 或者會感動下, 但係Alvin竟然係度笑, 話xxx細個咁得意既, 哈哈哈, 好多人都O左咀, 亦有人話佢搞到當晚似"歡樂滿東華", 不過都有人讚佢喎, 有人讚佢可以係靜局下帶動氣氛, 同埋引到大家注意佢!

總括黎講, Alvin係好有heart既, 只係over左少少, 呢個價錢黎講我覺得叫值架, 因為我本身係冇人做先要請人, 求其有個人係台上講下野, 冇乜悶場就ok, 好多貴幾倍都未必係好, 正如之前所講, 搵個平d, 衰左冇咁肉痛, 老公都好滿意佢, 而我就覺得一般啦, 哈哈, 如果你要求高, 就唔好搵佢喇!!

p.s.仲有一件嚴重既事, 係之後伴娘同返我講, 就係Alvin竟然講錯左我地一齊幾耐, 我同老公係識左9年先一齊, 佢竟然講左我地一齊左9年, 錯晒, 不過好似冇乜人留意到, 只有伴娘同我講返!

臨走先記得影相