有一日晚我整MENU整到好夜, 第二朝老公就嘈醒我係咁問花車個D點整點整, 之後我梗係鬧佢嘈住我瞓啦, 瞓醒之後, 佢話搞掂了, 我一睇, 真係笑左出黎, 四個車門花係唔同花架!!
佢話因為D花唔夠喎, 咁樣四個唔同幾好丫, 激死, 其次係佢個底用左紫色紗網, 再到銀色, 先到公仔, 我地架花車係紫色架, 撞到應一應囉, 之後下令佢改左佢!!
隔左陣佢又搞掂俾我, 因為我話要加羽毛, 點知羽毛怪怪地, 不過算啦, 其實整左又唔覺, 同埋佢已經花連羽毛用熱溶槍痴實, 再用索帶綁實了, 如果我再叫佢改, 怕佢會殺左我!!
不得不讚係原來佢都幾快手, 可惜既係佢到最後一星期先出手幫我!
車尾原定叫佢用氣球, 點知我睇返相先知原來佢乜都冇, 就咁一個蝴蝶就算, 不過咁, 車頭同車門都好靚, 我鍾意羽毛, 所以一早已經決定唔用V帶改用羽毛, 見到個下覺得好靚呀!!
 |
| 呢個係老公最初整既, 我搵左張紫色紙放後面, 撞到應, 四個車門又唔同花! |
 |
| 之後下令改, 銀色紫色蝴蝶換位, 車門個花好細粒, 條羽毛又過長, 不過再改佢會殺左我! |
 |
| 掛上後既樣 |
 |
| 敗筆係車尾, 中間冇野唔知想點~ |
好靚ar!!
ReplyDelete