DIY姊妹珍珠頸鏈

又係DIY項目, 呢個其實完成左好耐, 耐到我差D唔記得左佢, 係婚前一日執野先醒起咋, 就係珍珠鏈喇!!!

呢幾條珍珠鏈係我用左好多個星期六晚一邊睇電視一邊整, 話辛苦又唔算, 不過姊妹們收到好開心就真!!

整既原因係知道佢地都鍾意珍珠, 我又想統一d, 同埋當係一份紀念品俾佢地, 不過珍珠係cheap野, 再加左個字母鏈咀, 係根據佢地英文名頭一個字母整, 全部都係淘寶, 珍珠我用左10mm, 同我big day帶個條一樣, 有人話一樣唔係咁好, 我又冇覺得冇咩所謂, 最緊要係靚呢!!

七條大合照~

原來有3個都係E字頭!

姊妹帶起後, 都唔錯啦, 起碼捱左一日都冇斷!!