婚後評價 - MUA June

MUA June - 8.5分

由於未有攝影師既相, 所以唔可以分享太多野住, 首先分享當日造型, 因為姊妹同化妝師都有影(除左著褂個陣冇)!

總括黎講都好滿意當日造型, 不枉我咁信任June, 當日讚我靚既人真係好多(呢個我知好正常, 哪有新娘不漂亮? 哈哈), 就算係結完婚都仲好多人講我當日好靚, 難得咁多人讚, 真係好鬼開心, 不過已過去了, 只能回味一下!!


褂: 上晝竟然冇人記得幫我影相, 好唔開心, 之後佢地都即刻影返!! 褂頭我唔太識, 只係準備左胡姬做頭花, 對胡姬係一見鍾意架, 果然係冇揀錯, June話某d褂頭好似大長今咁, 其實我都聽不入耳, 講得最多既係: 你話事啦, 信你架喇!!

外影: June之前有叫我買鮮花頭花for婚紗, 但我竟然冇左件事, 個日下晝先知冇頭飾用, 只有皇冠, 本來諗住即刻去買, 但我買左粉紅鬱金香花for晚裝, June都可以用, 咁就唔駛再買了!! 其實我不太鍾意放頭髮落黎, 塊面會肥D架, 不過全日都得一個造型係咁, 講左信佢費事叫佢改啦!!

註冊+進場: 註冊係另一套婚紗, 會用皇冠, 而個皇冠係我三佬係佢s字頭水晶既公司借返黎, 仲借左三個咁多, 不過只有兩個我鍾意, 因為比較細, 一個註冊, 一個進場剛剛好!! June幫我set左Kelly結婚個頭, 本來我好抗拒架, 但set完又係個個讚, 我都放心d, 希望d人唔係呃我啦!!

迎賓: 一早同June講左我只有一個要求, 就係要面唔肥, 佢話迎賓最多正面既相, 所以前面陰既頭髮要整高d, set完我覺得似台灣影相既一個造型, 其實我都係抗拒, 又係個個讚, 咁...唯有接受, 開始發覺自己唔太接受到新嘗試!! 頭飾係June自己整, 估唔到同條裙咁襯, 中間張相係發嫂, 佢難得地集到郵, 有晒我每個造型既相!!

敬酒: 終於有個造型係同試妝時差唔多, set完我都幾鍾意, 今次唔駛個個讚我先接受喇, 哈哈!! 頭飾都係June提供, 中間張相又係發嫂影, 勁呀!!

送客: 婚前幾日June話想我用粉紅鬱金香做頭花襯條裙, 佢話感覺清新喎, 佢最初俾朵花我睇都唔知係鬱金香, 原來佢打開左朵花, 其實我覺得用鮮花頭飾送客感覺怪怪地架, 不過都係個句啦, 要信佢, 咁我就照佢意思買左, set完出黎個個都話個頭花好靚, 但其實我自己唔覺架, 可能我唔識欣賞花啦! anyways, 最緊要有人讚, 氹到我開心!!相中人係我同老公仲有MC Alvin, 另外個頭我都幾鍾意, 都話紮起好睇d架啦!!