買絲花+少少佈置品

前晚約左朋友+blogger Fanta出黎, 我同佢之前只係見過一次咋(冇記錯的話), 唔係好熟, 之後係yahoo blog相遇, 好有緣呢! 佢剛新婚有婚後物資, 我就同佢買左d絲花, 順便一齊食個飯!

估唔到一路食一路傾計, 咁就過左兩個幾鐘, 時間過得好快呢, 好似仲有好多野想傾咁, 不過佢要趕住返工, 有機會我地再約啦! 返到屋企拆開d絲花, 嘩....原來有好多呀, 佢真係蝕大本黎賣, btw, 我仲未知會用d絲花做乜, 暫時諗到係做花車佈置同攔門花球, 原本想整埋襟花+手花俾我三位阿哥同三位阿嫂, 不過我真係信唔過自己, 同埋冇咩心機, 到時問下佢地需唔需要先再決定!

順便講埋其他雜項, 本身諗住簽名筆同人情箱係DIY, 點知原來我有位朋友Mi係手作高手, 哈哈, 唔講唔知, 我識Fanta同識Mi既原因都係一樣, 都係因為舊公司(仲要係同一間)既同事, 好九唔搭八架! 之前Mi話會送兩個波波擺設(一個M字一個L字)俾我同男友, 好感動呀, 咁有日走去睇佢d作品, 睇到我嘩嘩聲, 最後叫左佢幫我整埋人情箱同簽名筆, 當然會俾返錢佢, 不過佢收我友情價, 好感動, 好期待佢既制成品!!

估唔到會有咁多絲花, 真係好多謝Fanta!

呢個係Mi話送既波波擺設~

仲有簽名筆, 簡直一見鍾情, 已經托Mi整六支, 我話要紫色為主, 仲要有皇冠呀!

佢整既相架都好靚架~