4th Pre-wedding 拍攝花絮

話說我地間攝影公司除左包80張相入相簿, 佢地最尾一頁仲會有12張花絮, 我睇過本sample, 感覺好開心架, 而影花絮既就係佢助手eone, 即係佢又會有份影我既pre-wedding, 又有份影花絮!!

揀相個日佢有17x張俾我地揀12張, 不過都算易揀, 因為真係好雜, 連唔關事既都影, 飛走好多之後, 剩係20張左右, 有d係影風景, 我男友又鍾意, 最初我地以為係揀18張架, 原來係12張, 結果連d風景相都飛走晒, 幾經辛苦夠12張, 如果加相落去要$230/張, 不過佢話計平我, $200/張, 我覺得好貴呀, 不過我地都加左2張, 其實係因為覺得呢次影得好開心, 我地係好享受個過程, 覺得佢都好俾心機, 所以就俾錢加相, 當然最後唔係真係話收我地$400, 因為我地仲有加其他, 佢一次過計平我, 不過呢d到揀相先再講, 大家睇下我地揀既14張花絮, 呢d係未執, 佢地輕輕執下之後就會出現係我地相簿既最後兩版架喇!!

第一張當然係小白夫婦~

我覺得呢張好搞笑呀, 又唔駛zoom咁近我地未瞓醒既樣~

呢張個樣都係未瞓醒~

我地揀呢張因為可以影埋武少~

哈, 其實掙扎左陣揀唔揀呢張, 但又想留個紀念俾自己呢度係好難爬上去~

呢張又係搞笑, 一齊俾蚊咬~

呢張可以影到3位工作人員+1位路人甲, 仲有小白夫婦同兩位小朋友~

呢張本來又係冇揀, 因為影到eone執野, 但我地又想留呢一晚既環境做紀念, 最後都係揀左~

我地就係坐係呢度食飯架喇!

唯一的大合照, 一定要留呢~

哈, 呢張係茶葉園暴曬後快渴死, 佢地又知我地鍾意呢度d茶, 介紹我地買清心~

我既化妝師小米呀, 一有時間我就走去睇下佢幫我影左d咩相~

終於可以換便服, 化妝師幫我整梗頭, 其實我唔想揀呢張, 但男友話鍾意~

哈, 男友等梗我時無聊拎左我條頸鏈影, eone叫佢扮可愛佢又真係扮~