FB已經POST了, 係度POST多一次!

某人一腳踏兩船被發現了, 後來同我講: 因為佢唔夠愛我, 知我有第二個都唔去爭, 係佢迫我揀第二個!

某人看到了一張我拿住他前度手機的相, 加了自己的幻想力, 係FACEBOOK/SMS鬧前度俾晒D SMS人地睇!

我們公開拍拖了, 一早收到某人的MSG, 唔係"早晨"或者"HI", 而係"點解會搭上?"

係FACEBOOK寫了就快搬屋, 又收到MSG來"關心", 我話我們買樓了, 回覆的不是"恭喜", 而係"買左邊?" "好平?" "用邊個名?"

同某人閒談傾起結婚, 被問到幾時結? 我回答了: 男友話呢一兩年!

某人知道我地2012年結婚, 同我講: 你男友知道我結婚先同你結, 如果唔係唔會咁快架!

係FACEBOOK開心分享去左擇日, 某人留言掃興!

無意中看到某人的BLOG, 寫左一堆鬧我既說話, 我地結婚既原因變左係"你知道我要結婚, 所以催婚, 驚死嫁得遲過我!" 我冇留言, 只係莫明奇妙點解我地結婚一定係因為某人結婚!

男友在FACEBOOK上寫了希望某人放過我們, 買完樓PLAN結婚係正常事, 某人在BLOG上寫: 有人妒忌做左小動作, 仲寫住 "真係好想同你講一句:{你不能與我共枕,也能與我同年紀念結婚紀念日} hahaha~~~~~"

我同男友籌備結婚時要避免某月份, 某地點, 甚至係某集團酒樓, 以免某人又有一個話題去跟人說三道四!

某人男友求婚, 我懷疑某人之前對我講大話, 而係自己BLOG上寫了感受, 幾個鐘後被某人/某人朋友留言大罵, 甚至我男友都鬧埋,其實要留言唔需要專登開一個新A/C, 就呢件事我講聲抱歉, 某人男友求兩次婚, 係我諗多左, SORRY, 我唔知某人幾時開始睇我BLOG, 寫完一陣就有回應, 以後寫BLOG我會好小心!

某人男友好大方, 可以接受另一半同自己拍拖期間SEND幾次MSG俾前度話掛住佢, 可以接受另一半因為前度結婚而大動肝火!

某人男友好愛佢, 某人好幸福, 某人男友唔駛佢做家務, 呢D我都知道, 唔駛多次強調自己幸福, 多幾次我既回應都一樣: 恭喜你!

今日個BLOG依然有某人既留言, 我覺得, 已經夠了, 既然都幸福, 唔好再浪費時間去我BLOG, 唔好再對前度念念不忘, 如果因為我地一齊一年就買樓而令你有任何不安, 再次講聲抱歉!

而我亦再一次, 最後一次講, 我對你冇任何妒忌, 可以令我妒忌既人有好多, 而那個人一定不會是你, 而且我男朋友對我好好, 呢點你應該清楚, 如果唔係點會咁耐都放唔低? 同年結婚紀念都可以咁開心? 當然我說了你亦未必相信, 反正你總覺得我地做任何事都係因為"你"!

某人亦唔需要再向身邊既朋友中傷我, 自從結婚事後, 某D朋友突然對我態度改變了, 佢地聽過D乜, 我心裡有數, 你喜歡"斷章取義"去轉述, , 冇問題, 因為我地所有既對話內容都係我電腦裡, 當中誰是誰非一睇就會知!

沒完沒了既罵戰好冇意思, 我亦唔想隔一段時間就有一場罵戰, 繼而令到有兩派朋友各自幫自己朋友講說話, 再有另一批共同朋友係度睇戲, 我從來冇係你既地方留言生事, 亦請你唔好再係我既地方留一D中傷人既說話!

你之前點同人話我講我, 我當睇唔到聽唔到, 因為熟我既朋友, 都知我係一個咩人, 而我既男朋友, 更加知道我同你係咩人, 你話我唔緊要, 請你/你朋友唔好用一D難聽既說話講我男朋友, 不斷向朋友或者聯同朋友中傷人, 只會令自己辛苦, 何必呢?

最後要講, 我地只想過平淡既生活, 既然你咁幸福, 唔值得浪費時間同精神係我地身上, 希望你可以將我地兩個小人物忘記, 一切到此為止, 感激不盡!