呢篇係BLOG友限定, 因為上一篇既BLOG上演左一場大龍鳳, 如果打擾到你地或者令你地覺得煩, 係度講句唔好意思!
我知道好多朋友都認為我唔應該理佢, 理性上黎講都係架, 不過我既性格就係抵唔住頸, 俾人恰到上黎真係好難忍住唔出聲, 佢寫BLOG鬧人, 係自己度寫野, 我都冇留言, 但佢就多次直接或間接係我度留言, 仲講到係我搞佢, 唔通我真係連寫BLOG既權利都冇? 或者要將所有野全面私有化?
不過我將呢篇BLOG公開, 就預左佢會睇到, 不過佢既反應比我想像中大, 本來我都有少少唔開心, 俾人誤會既感覺係好難受, 我知道唔可以令到所有人相信我, 唯有叫自己唔好再理呢個人, 希望佢都唔好再搞我!
男友知道呢件事, 見到D留言, 覺得好好笑, 原本我出左街未返, 佢專登打黎同我講有人留言, 拿拿聲返屋企一齊睇, 一齊係度笑, 真係當左係一個笑話, 心情即刻好返!
另一方面, 我知道男友既難處, 佢係一個怕麻煩既人, 呢件事佢既角色係好尷尬, 而我睇到留言既人係度中傷佢, 我都有D唔開心, 好想去保護佢 (突然覺得自己變左男人咁, 哈哈), 為左佢, 我會盡量忍架喇!!
唔緊要啦, 要明的人始於都會明, 正如我地一睇都知條友係來攪事啦
ReplyDelete[版主回覆07/21/2011 09:09:00]多謝, 如果連呢篇blog友限定都睇到, 我諗我要再執過一次個list!
唔使唔好意思la,每個人都要發洩情緒ga la~
ReplyDelete佢之前講黎呃你ge野,你當佢夢遊算la,無謂為左呢d人嬲同唔開心,呢d人當識少個算
[版主回覆07/21/2011 09:18:00]多謝, 我會好天真咁諗, 可能人地真係冇呃呢, 可能人地真係求兩次婚呢, 不過就擺到明對我同男友既所有野好關注, 好似好恐怖咁!
你只要記住你男友→就黎係你老公,冇人搶得走佢,條友仔咁關注你男友d野,證明你好眼光,揀個好男友
ReplyDelete至於o個條友有冇呃咪鬼理咯,我之前個朋友都係o係SMS講左好多野,點知後來再同佢電話聯絡,佢居然同我講佢冇SD過D咁GE SMS!! 真係好不可思異 後來都係當佢當時夢遊緊黎同我SMS ,冇再深究lo~
[版主回覆07/21/2011 09:32:00]係啦, 我都係咁諗, 越黎越覺得我男友真係好好!
呢個世界真係咩人都有, 用夢遊呢個詞好好笑呀!
笑返咪好lo~
ReplyDelete[版主回覆07/21/2011 09:47:00]琴晚睇到個留言已經同男友一齊係度笑架喇, 成日講d搞笑野, 所以我話佢真係好好!
個BLOG係妳的~ 妳想寫D咩自己的感受都無問題~ 唔好理個D特登搵野黎中傷人地的人~ 可能佢地就係得閒無野搵野黎做~ 最重要係妳身邊個位支持妳, 妳同佢一齊開開心心就得啦~ ^^
ReplyDelete[版主回覆07/21/2011 11:04:00]多謝你地, 睇到你地支持既說話, 真係好感動!!
識你嘅人都知你大情大性 ga la, 仲有 ar, 你睇所有人都撐你, 所以真係唔好上心呀!~ 錫返啖先 (high 油 ing, hehe) !~
ReplyDelete[版主回覆07/21/2011 17:20:00]唉, 剛剛人地又係FACEBOOK公然話陳小姐妒忌佢, 我EQ低呀, 好難當冇事!
我都覺得你無錯!!!自己o既BLOG都要理佢感受真係好笑!!!
ReplyDelete[版主回覆07/22/2011 10:09:00]睇黎我既blog由八成私有化變做九成私有化先得!