種車厘茄 - 三星期進度

三個星期喇, 6棵變到得返4棵, 因為一棵突然枯死了, 另一棵遲成個星期先發芽, 一直都好弱, 但係其他幾棵不斷長高, 我要加泥喇, 如果佢健康的話應該可以生到出黎, 不過睇佢既弱樣應該都係唔得!!

唔知點解我呢幾棵好似比起其他人細d, 定係我種得差?? 有d人話唔駛咁快追肥, 但賣種子既老板娘叫我可以落肥料喇, 落左少少有機肥, 即係....雞屎, 老板娘點我落泥面, forum d人話要搵泥蓋好佢, 如果唔係惹蚊滋架, 我以後唔問老板娘喇, 老點我!!

而家出梗第三塊葉, 即係真葉, 種一次野真係學識好多, 呢d我以前都唔識架, 原來種野真係好多學問, 我要慢慢學喇!!