籌備pre-wedding@台灣

一直以黎都諗住去外國影pre-wedding, 因為香港好多地方都俾人影到爛, 同埋好好彩身邊有影相朋友幫我地影, 所以我都冇諗住俾一筆錢係香港影! 我同男友都鍾意影相, 所以都預左會有好多pre-wedding既出現, 各位blog友唔好再話: 又影?  哈哈, 我唔想你地呢年半裡面不停重覆又重覆咁講, 我會覺得自己奢侈的!

暫時已經影左兩輯, 都係朋友影, 遲下仲有majesty團購個輯, 同埋可能再搵下d免費既(如果有時間啦), 另外酒席送既monalisa都可能會影埋, 但會加錢join最平既package, 影埋既原因係monalisa一定影得靚, 可能會用黎做簽名布or poster, 同埋我想要汀九橋景, 十零張相我已經好足夠!

講完香港既, 講外國影相, 本來一早諗住去日本影紅葉, 上次wedding expo仲睇左幾間, 點知...而家冇得去了, d人話可以去韓國影, 但我係好憎韓國的, 一來去過, 覺得d人好差, 即係完全冇好客之道! 二來我之前係韓國公司做過, 係開荒牛, 間公司得我同另一個女仔, 再加兩個韓國男人, 個份工真係好慘, 因為韓國人實在係太變態+孤寒, 最後我地兩個都係做左一年都冇就走, 仲同佢地搞到不歡而散添!

最後我選左去台灣影, 之前都冇諗住台灣影架, 因為睇左好多人係台灣影既相, 都唔係我想要既野, 一次偶然機會下, 我睇到佢既作品, 攝影師叫武少, 估唔到我又好鍾意喎, 就開始同佢聯絡, 再睇多d佢既作品, 越睇越鍾意, 同男友商量之下都決定係揀佢了!

話晒係台灣人, 起碼我唔駛包佢地機票食宿先, 佢地有幾個package, 視乎你係邊度影, 台北一日係最平, 但我地揀左兩日既package, 佢有一架車叫"夢想號", 裡面有廁所, 架車仲可以煮食, 包好多野, 兩日既package係會坐呢架車去遠少少既地方影, 住既地方係好特別, 就係露營喇, 我真係未試過架, 佢話可以加錢住民宿, 但我同男友都好想露營, 更加想join呢間了! 同呢位攝影師一直好似朋友咁傾計, 佢叫"武少", 最近先自己出黎開鋪, 公司名叫綠攝影像, 我最鍾意佢既作品係好似一個故事咁, 同埋每對新人都會唔同, 而露營當中仲會有人幫佢影花絮, 可以當係蜜月添, 由於我都預左冇咁快去honeymoon(因為冇錢同唔知去邊), 所以去呢個當開心下先!

今日男友落左HKD10,000訂金, 匯左去台灣, HSBC要收HKD200手續費, 好貴呀! 接住落黎就開始同武少傾下詳情喇, 我地預計十月出發, 佢話會睇下我地鍾意咩類型而諗去邊度影, 好期待呀, 有消息我再POST上黎, 大家睇住佢既作品先!

http://steven7686.pixnet.net/blog