約試妝

updated:

上次寫完篇尋找mua, 竟然有人肯free試妝俾我上去試, 仲要係唔止一個呀, 另外我又上網搵d free or平既試妝, 短短幾日一口氣約左幾個喇!

19 APR: 花嫁紫閣 - shirley (free)
15 APR: 百利純美新娘 ($200)
19 APR: Brenda (free)
23 APR: June ($500)

另外有個叫Samantha(車馬費$50上我屋企), 約左幾日都約唔到, 諗梗未必約喇!

想約sum sum(難得我肯豪$600試妝), 佢話要到5月中先知我個日有冇期, 唔休做咁, 真係唔多想等了!

------------------------------------------------------------------------------
June係我一直有提及既心水mua, 係我嫂上年結婚時既mua, 幫我化過都ok, 其實我好少俾人化, 都係d哥哥結婚時俾人化過, 第一次係二哥2000年結婚, 11年前喇, 個時仲細, 我話唔要濃妝呀, 結果真係淡如水, 哈哈!

第二次係大哥2004年, 記得化完我即刻唔滿意的, 因為我本身眉粗, 佢搞到仲誇張, 最後佢改左我先滿意, 不過出黎造型都好多人讚!

第三次就上年三哥結婚喇, 點解三嫂會搵佢呢? 就係佢係white production影pre-wedding時, 覺得June化妝幾快手, 又化得自然, 所以就搵埋佢wedding day做佢mua, 而又幫我化埋, 我記得我得一個要求, 就係唔要肥面, 哈哈, 始終唔係新娘, 個頭set得係簡單d, 但個妝我真係幾滿意, 俾張相你地睇先!

第四次就係上年年尾做姊妹時搵的平價mua, 個時化姊妹妝, 真係超平, 當然化完出黎唔算好好, 仲有d厚, 我係鍾意個頭, 呢個價錢黎講算係咁喇, 所以我之後既pre-wedding都搵返佢, 結果有少少失望啦, 原來新娘妝真係唔同d!

黎梗既試妝, 我放左June去最後, 即係之前幾個唔得的話, 我就會confirm用June!

呢個係june幫我化的, 我覺得好自然, 幾好!

呢個係平價mua, 厚粉d, 同埋眼毛誇d~