2016年8月2日 33W4D
是日8號風球, 我放左一日假, 老公下晝要返工, 我由琴晚開始一直痾, 到今日係不停痾水, 當然都有胎動, 知道妹妹冇事, 但係都好膽心, 會唔會有細菌影響妹妹!
去到夜晚都有痾, 就決定去QE睇下了, 食完飯後就同老公搭的士去, 攞住白卡直上B4, 填完資料後就等, 姑娘幫我檢查下, 知我唔係生得, 不過都要住一晚院觀察, 老公幫我買少少乾糧就返去了!
我個床位係窗邊, 不過冇風景睇, 姑娘話要駁機聽心跳, 有胎動就要按制, 同我上次臨生前一樣, 點知一駁就成粒鐘, 又唔可以玩電話, 又冇電視睇, 勁無聊!
最搞笑入到黎又冇再痾, 張床瞓到我腰骨好痛, 醫生知我糖尿, 安排我食糖尿餐, 真係食到想嘔, 等到第二日下晝, 終於俾我出院了, 醫生到而家都唔知咩事, 可能係中葯, 又可能係黑芝麻, 應該唔會係幾日前既手卷卦, 呢次之後, 唯有停中葯同黑芝麻先, 過一排先再食了!
No comments:
Post a Comment