2016年3月31日 15W6D
第二胎比第一胎冇咁緊張, 所以頭三個月都過得好快, 產檢更加比上胎疏, 仲記得上胎15W應該都去過私家三四次了, 今胎反而只係第二次黎, 當然啦, 去一次係要俾一次錢, 好貴架!
開始問下開刀既野, 張醫生反而一副唔急既樣, 話醫院好多位, 感覺到佢唔太想我地揀寶血醫院, 仲要係自己BOOK個隻, 可能佢係寶血會賺得少D, 既然佢想我經佢約醫院, 我都唔介意俾佢賺多少少既, 話晒交個肚皮俾佢, 佢開心D聯針都會聯得細心D啦, 哈哈!
一心諗住今次會睇到性別, 點知小B唔聽話遮住左, 不過醫生就估計係女, 因為係PATPAT個位睇唔見有野突出黎, 仲諗住老公會有D失望, 估唔到佢又冇喎, 睇黎佢都幾期待多一個情人, 到時我地位就更加有威脅喇!
張醫生話SIZE都係大左一星期左右, 唔算好多, 都仲係中碼, 我都同佢講左有妊娠糖尿, 佢話有醫院幫我跟進就得, 另外QE有結構期俾我, 佢都唔會幫我照結構, 慳返D, 佢真係一副唔想賺你錢既態度咁, 想像到佢產檢有幾咁忙, 要賺都寧願賺你開刀錢!
我地都有帶阿女黎, 當然佢都未知咩事, 睇住個MON都冇反應, 暫時都覺得佢應該唔會呷醋, 希望佢地會相親相愛啦!
No comments:
Post a Comment