湊女生活 - 十四個月

呢個月阿女突然識講個CAT字, 仲要有尾音, 好好笑, 雖然話唔好俾小朋友睇電視, 但我地都係會播WORLD FAMILY俾佢睇, 佢亦識好多野, 又會跟住佢做動作, 叻左好多!

第一次食茶木

好專心睇WORLD FAMILY

今個月仲有就係阿女人生第一個INTERVIEW, 係樓下幼稚園N班, 其實都預左冇, 不過難得呢間肯IN細B, 就當去玩下, 聽聞係500個爭幾十個位, 好恐怖!

阿女開始大, 就快訓唔到BB床, 我地又打算生多個, 所以就造碌架床俾阿女同工人, 睇左幾間, 始終鍾情家創作, 真係好靚, 咁橋呢個月又有折, 其實同其他鋪差唔多, 所以就揀左呢間了, 真係好貴, 不過應該可以訓到十幾年既!

我地造既床款, 當然會轉媽媽鍾意既顏色

飲食方面, 都係差不多, 會LUR野, 奶又飲得少, 再係咁, 我會同佢戒奶!

一家三口去飲, 媽媽好少可化妝呢!

下個月係我地結婚週年, 又有聖誕節, 奈何都係我考試既日子, 快D考完可以陪阿女喇!

食牛角, 唔可以卡位, 阿女會走來走去, 又搞後面, 人都癲