流啡

2014年2月1日 大年初二

可能琴日太操勞了, 一走就走左幾場去拜年, 又可能係今日起身食左半底蘿蔔糕, 下晝開始竟然發然流啡!

好驚好驚, 唔知咩事, 如果唔係我晨咁早驗左, 真係會以為係m, 去左阿哥屋企打牌, 問阿嫂, 佢叫我睇醫生, 但係新年期間冇醫生睇喎, 急症室都只會叫你瞓床, 咁我係屋企瞓算吧!!

呢一晚流左兩次, 一返到家涼都冇沖就即刻上床瞓了!!

2014年2月1日 大年初三

起身老公煲左桑寄生蓮子茶俾我, 之後就返房繼續攤, 係度煲劇, 似乎都冇流了, 不過子宮位一直都係少少抽住抽住痛, 好似m咁, 再一度懷疑到底自己係咪真係有?

夜晚本來要去老公舅父家拜年, 但佢住上水太遠, 所以我都係留家休息一天!

2014年2月2日 大年初四

最後一日假期, 都係休息為主, 呢兩日瞓到我腰骨痛呀, 同埋感覺已好好多, 冇流啡亦冇咁痛, 反而係腰骨好痛!!

黃昏時分姪女打黎又叫我去打牌, 由於我地係住同屋苑, 見悶悶地就過左去打牌, 都係坐係度之嘛, 哈哈!!